Азербайжанда бүгүн президент Илхам Алиевдин экономика маселелери боюнча жардамчысы Али Асадов өкмөт башчы болуп дайындалды. Анын талапкерлигин парламентте 105 депутат бир добуштан колдоду.

63 жаштагы Асадов 2012-жылдан бери президенттин кеңешчиси болуп иштеп жаткан болчу. Ал эми бүгүн 72 жаштагы Новруз Мамедов премьер-министрлик кызматтан күтүүсүз кетти. Өкмөт башчынын иштен алынышынын себеби ачык айтылган жок. Ал өкмөттү 2018-жылдын апрель айынан бери жетектеп жаткан. Премьер-министр болгонго чейин ал да Илхам Алиевдин администрациясында иштеген.

Илхам Алиев Азербайжанды 2003-жылдан бери башкарат. Анын атасы, өлкөнүн ага чейинки президенти Гейдар Алиев ошол жылы көз жумган.