Окуя 14- январда Ноокат районунун Гүлистан айылында болгон. 22-23 жаштагы үч адам жабырлануучуну «Honda CRV» үлгүсүндөгү унаа менен ээн талаага алып барып, арматура менен сабап, бутка атып таштап кетишкен. Кылмыштын изи сууй электе ошол эле райондун 22-23 жаштагы тургундары кармалып, алар айдаган машинаны текшеришкенде  ИЖ-17 үлгүсүндөгү аңчылык мылтыгы жана узундугу бир метрден ашкан эки арматура табылган. 

Маалыматта  жабырлануучунун 48 миң сом карызы болгону айтылат.  Азыр ал оор абалда райондук ооруканада жатат.