«Бир ай сойкулук ишке 2000 доллар төлөп берем» деген 43 жаштагы аял кармалды

«Бир ай сойкулук кылсаң, 2000 доллар төлөп берем» деген улуту казак 43 жаштагы аял казак-өзбек чек арасында кармалаганын казак ЖМКлары жазып чыгышты. Ал өзбек аялга ошондой иш сунуш кылып, макул кылдырган. Экөө «Сырдарыя» чек ара постунан кармалышкан. Казакстанга барып, сойкулук кылмакчы болгон аял баарын айтып берген. Эми казак аялы 5 жылдан 8 жылга чейин соттолушу мүмкүн.

Путин ичинде 110 кишиси бар учакты атып түшүрүүнү буюрган

2014-жылы Орусиянын президенти Владимир Путин ичинде «бомба бар» деп кабарланган жүргүнчү ташыган учакты атып түшүрүү буйругун берген. Бул тууралуу Reuters агенттиги жекшемби күнү социалдык түйүндөргө жайгаштырылган «Путин» аттуу документалдуу тасманын үзүндүлөрү жөнүндө баяндап жатып жазды.

Тасмада Путин Сочидеги Олимпиада ачылган 2014-жылдын 7-февралында ага Коопсуздук кызматынын офицери телефон чалганын айткан. Анда атайын кызмат өкүлү белгисиз адамдар Харьковдон Стамбулга бараткан учакты басып алып, аны Сочиге кондурууну талап кылып жаткандыктарын билдирген. Түркиянын Pegasus авиакомпаниясына таандык Boeing 737-800 лайнеринин учкучтары жүргүнчүлөрдүн биринде бомба бар экенин кабарлашкан. Ал маалда учактын ичинде 110 жүргүнчү, ал эми кышкы Олимп оюндарынын ачылуу аземи өтө турган стадиондо 40 миңден ашык киши болгон. Путин тасмада коопсуздук боюнча адистерден кеңеш сурап, мындай учурларда учакты атып түшүрүү каралганын уккандан кийин «план боюнча аракет көрүү» буйругун берген.

Бул телефондук сүйлөшүүдөн көп өтпөй Путин Эл аралык олимпиада комитетинин өкүлдөрү менен бирге Олимпиадалык стадионго барган. Ал жактан телефону шыңгырап, бул маалымат жалган экенин, учакты жардырам деп коркуткан адам мас болгонун айтышкан.

11-мартта Кремлдин өкүлү Дмитрий Песков окуянын чынында эле болгонун ырастады.

18-мартта Орусияда президенттик шайлоо өтөт. Reuters агенттиги орус бийлиги быйыл 14-июнда өтө турган футбол боюнча дүйнөлүк чемпионаттын ачылышына карата күчөтүлгөн коопсуздук чараларын көрүп жатканын белгиледи.

Ымыркайын өлтүрүүгө шектелген 17 жаштагы кыз кармалды

Өзбекстандын Сурхандарыя облусунун Кизирик районунда жаңы төрөлгөн ымыркайды өлтүрүүгө шектелген аял кармалды. Наристенин сөөгү 7-мартта жергиликтүү балык чарбаларына тиешелүү көлмөнүн жээгинде табылган.

Кылмышка шектүү катары 17 жаштагы педагогикалык колледждин студенти кармалды. Окуу жайдын жетекчилиги облус акимчилигине чакыртылды. Бул окуядан кийин жергиликтүү бийлик Кизирик районундагы колледждердин бардык студент кыздарын мажбурлап, гинекологго көрүнүүгө жөнөтүүдө. Мааледеги активисттердин биринин айтымында, студент кыз өз алдынча төрөп, ымыркайын думуктуруп өлтүрүп, көлмөнүн жээгине алып барып таштаган. “Мен анын атасын тааныйм. Мурун ал биздин райондо тракторист болуп иштечү. Кийин Орусияга кеткен. Кыз ата тарбиясын көргөн жок. Эмнени кааласа ошону жасачу”, –деди ал.

Бул окуя боюнча тергөө иштери башталды.

Куран окутууга келишкен 58 адам эттен ууланды

Казакстандын Акмоло облусунун Шортанды айлында 6-мартта кура окутуу болуп, ага 150 киши келген. Куранга делген эт бир күн мурун санитардык абалы начар кампада бышырылып, ошол эле жерде усутукандалгандан кийин 10 сааттан ашык жылуу үйдө сакталып тургандыгы текшерүүдөн кийин ачыкка чыкты. Натыйжада жалпысынан 545 адам ооруканага кайрылышкан. Врачтар алардын эттен ууланганын далилдешкен. Учурда 15 адам ооруканага жаткырылып, калгандары жеңил  болгондуктан амблотордук дарыланууда болушкан. Жалпысынан 58 адам ууланганы айтылууда.

 

 

Токмокто жаңы көз жарган эненин бутун күйгүзгөн дарыгер менен медайым сөгүш алды (фото)

Токмок шаардык төрөт үйүндө жаңы көз жарган эненин бутун дарыгерлер грелка менен күйгүзүп салышты. Бул тууралуу социалдык түйүндөрдүн биринен жабырлануучунун тууганы билдирип чыкты.
Анын айтымында, мындан бир ай мурун тууганы Токмок шаардык төрөт үйүндө көз жарган.

«Жатындагы жаранын бүтпөгөндүгүнө байланыштуу энени операция жолу менен төрөтүшкөн. Операция жакшы өттү. Бирок жабырлануучуну операциядан кийин жандандыруу бөлүмүнө жаткырбай, дароо эле бөлмөгө которушкан. Эненин операциядан кийинки чыйрыгуусун токтотуу үчүн эки бутуна грелка – ысык суу куюлган желим бөтөлкөлөрдү коюшкан. Бирок алар наркоздон кийин эсине келбей уктап жаткан жабырлануучуну унутуп калышкан», — деди ал.
Көпкө коюлган грелканын кесепетинен жаңы көз жарган эне катуу күйүк алган. Учурда ал Бишкектеги оорукананын күйүктөр бөлүмүндө дарыланып жатат. Ал эми, анын ымыркайын туугандары багууда.
Токмок шаардык төрөт үйүнүн жетекчиси Бактыгүл Исаеванын айтымында, аталган аял төрөтканага 5-февраль күнү жаткырылган.
«Биздин дарыгерлер ага операция жасашты. Ооруну басаңдатуучу дарылар берилгендиктен операциядан кийин анын бутундагы сезимталдык төмөндөгөн. Ал төрөттөн кийин титиреп жатканын айтып, медайым бөтөлкөнү сүлгүгө ороп, бутуна койгон. Саат 02:00дө эч нерсе өзгөрбөгөнүн айткан. Медайым жылытуучу каражатты алмаштырган. Бул учурда башка аялдын төрөтү башталып калып, медайым жана дарыгер төрөттү кабыл алууга кеткен. Саат 03:00дө медайым аталган аялга келип, анын буту күйүп калганын көргөн. Суу ысык болгон окшойт. Медайым жана дарыгер күнөөсүн мойнуна алып, аларга сөгүш жарыяланды. Ал эми, төрөгөн аял Бишкек шаардык травматология жана ортопедия илим изилдөө борборуна которулду. Дарыланууга кеткен чыгымдарды биз төлөп беребиз», — деди ал.
Булак: www.turmush.kg

Бишкектеги №77 орто мектепте «Дүйнөлүк акча апталыгы-2018» сынагынын ачылышы болду (Видео)

Бүгүн, 12-марттаалы «Өнүгүү»  институтут тарабынан уюштурулуп жаткан мектептер аралык  «Дүйнөлүк акча апталыгы-2018» сынагы боюнча  Бишкектеги №77 орто  мектебинде ачылыш аземи болуп өттү

Сынактын ачылыш аземин мектептин директору Дөөталиева Аида Арыпбековна ачып, кыргыз тили жана адабияты мугалими Кожакунова Назгул катышуучуларга «Акча маселеси маанилүү маселе» темасына байланышкан слайд, видео жана кошумча маалыматтар менен тааныштырды.

Эскерте кетсек сынак 12-марттан 18- мартка чейин созулат. Апталыктын 2018-жылдагы темасы  «акча маселелери мааниге ээ » деп коюлуп, улуттук валютанын 25 жылдыгына арналат. Сынакка өзүнө негизги уюштуруучунун милдеттерин алган, апталыкты мектептин бюджети боюнча коомдук угууларды өткөрүү тууралуу отчётту даярдаган мугалимдер жана мектеп администрациясынын кызматкерлери катыша алат.

Сынактын байге фонду мектептер үчүн  — 135000 сом, мугалимдер үчүн  сынактын байге фонду 40 000 сом.

#77сош

Опубликовано Аидой Алтымышовой 12 марта 2018 г.

Жаш кызды «шантаж» кылып, 2000 доллар сураган жигиттердин бири кармалды

Бишкек шаардык милициясынын из кубарлары 18 жаштагы Нарында туулган жигитти кылтакка илишти. Белгисиз жигиттер  жаш кызды «сен катышкан видео, сүрөттөрдү интернетке таратабыз, болбосо бизге 2 миң доллар бер»- деп талап кылган. Кыз бул боюнча милицияга арыз жазган. Жыйынтыгында  жигит кыздан 600 доллар жана 1800 сом алып жаткан жеринен колго түшкөн. Кыз ал жигит менен тааныш эместигин, телефонго кат жазып акча талап кылып жатканын айткан. Эмне видео, эмне сүрөт экени ачыкталган жок. Учурда шектүү жигит убактылуу камактан үй камагына чыгарылган. Анын жанындагы дагы эки жигитке издөө жарыяланган.

 

Атасы 15 айлык баласын жумушсуздуктун айынан сатып жиберген

Кытайда эки баласын бага албай калган ата айласыз ишке баргандыгы учурда дүйнө коомчулугунда кызуу талкууга алынууда. Ал 1  жаш үч айлык баласын интернет аркылуу 4 миң 200 фунт стерлинге сатып жиберген.  124 күндөн кийин  чоң атасы   небересин полиция аркылуу  кайтарып алууга жетишкен. Баласы атасына небересин сатып жибергенин дароо айтпай, бир нече күндөн кийин гана айткан. Учурда баланы сатып алган адам дагы, сатып жиберген ата дагы сот жазасына тартылары айтылууда.

 

 

 

СССРдин Эл артисти Олег Табаков дүйнө салды

Бүгүн москвада СССРдин Эл артисти Олег Табаков узакка созулган оорудан улам 83 жашында каза тапты. Ал өз өмүрүндө 130дан ушун киного тартылып, жүздөгөн спекталде роль жараткан. Аны алгач элге  «Семнадцать мгновений весны» деген айтылуу кинодо Вальтер Шелленбергдин ролун жаратып таанылган. Ал узак жылдар бою чоң театрларды де жетектеп келген.

 

 

Сапар Исаков бир нече министрге катуу сөгүш жарыялады

Өкмөт башчынын буйругу менен финансы министри Адылбек Касымалиевге эскертүү берилди. Ал эми экономика министри Артем Новиковго, билим берүү жана илим министри Гүлмира Кудайбердиевага, саламаттык сактоо министри Талантбек Батыралиевге, айыл, суу чарба жана тамак-аш өнөр жайы министри Нурбек Мурашевге, Өнөр жай, энергетика жана кен байлыктар комитетинин төрагасы Уланбек Рыскуловго, Айлана-чөйрөнү коргоо жана токой чарба агенттигинин жетекчиси Абдыкалык Рустамовго жана Архитектура, курулуш жана турак-жай чарба агенттигинин башчысы Бактыбек Абдиевге катуу сөгүш жарыяланды.

Премьер-министр Сапар Исаков буга чейин Мамлекеттик инвестициялар программасын аксаткан бир катар министрлик-мекемелердин жетекчилерине сөгүш жарыялаган. Өкмөттүн 22-февралдагы жыйынында былтыр бул программанын негизинде берилген акчанын 70 пайызы гана өздөштүрүлгөнү маалым болгон эле.

Аткаруу ишинин начарлыгы, коррупцияга каршы күрөш боюнча мамлекеттик стратегияны аткаруу боюнча так эмес маалымат бергени үчүн Архитектура, курулуш жана турак-жай агенттигинин статс-катчысы Самат Бөрүбаевге катаал сөгүш жарыяланып, юстиция министри Уран Ахметовго, маданият, маалымат жана туризм министринин статс-катчысы Бактыбек Секимовго, Айлана-чөйрөнү коргоо жана токой чарба агенттигинин статс-катчысы Азамат Эркебаевге жана Мамлекеттик мүлктү башкаруу фондунун статс-катчысы Илияз Ташбаевге эскертүү берилди. Ошондой эле Мамлекеттик каржы базарын көзөмөлдөө жана тескөө кызматынын статс-катчысы Абдухалык Шамшиевге ишин так аткарбаганы үчүн сөгүш берилди.

Бул тууралуу өкмөттүк аппараттын маалыматтык саясат бөлүмү кабарлады.

12-март күнү премьер-министр Сапар Исаков өкмөттүк аппараттын башчысы Нурканбек Момуналиевди кызматынан бошотуу тууралуу сунушун президент Жээнбековго жиберип, өкмөт аппаратындагы эки бөлүм башчыны кызматтан алган.

Булак: Азаттык

Сагынбаев мурун «зам» эле, эми «сам» болду. Кандай иштейт?

Жээнбеков Дамир Сагынбаевди Коопсуздук кеңешинин катчысы кылып дайындады. Буга чейин ал биринчи орун басар болуп иштеген. Мурунку жетекчи Алмаз Курманалиев болгону 2 айдай иштеди. Ал 18-декбарда эле  кызматтан кеткен.  Анын кетүү себеби да көпчүлүккө түшүнүксүз болуп турат. Ал жакында эле коррупция боюнча макала жазып, анысы талкууга алынган. Ал эмгек жолун милиция кызматында иштеп баштаган. Сагынбаев буга чейин коомчулука таанылбаган эле инсан эле. Эми чоң кызматка келди. Кандай иштейт? коррупционерлердин кокосуна сайылган тикенек боло алабы, же алсыздык кылабы? Убакыт көрсөтөөр…