Жекшембидеги жол кырсыктарында беш адам каза болду

Бишкек-Ош жолунда 4-марттагы аварияда төрт адам жашоо менен кош айтышты. Арасында 11 жаштагы бала да бар. Жол коопсуздугун камсыздоо башкы башкармалыгынын маалыматына ылайык, Scania үлгүсүндөгү жүк унаасы менен Тoyota Ist жеңил машинеси кагылышкан. Маалыматта жеңил автоунаа каршылаш тилкеге чыгып кеткени айтылууда. Каза тапкандар ошол машинеде болушкан.

Ушул эле күнү Чүй облусунун Токмок шаары менен Кемин районунун ортосундагы айланма жолдо унаалар кагышып, бир адамдын өмүрү кыйылды. Ондон ашуун адам жараат алып, ооруканага жеткирилгенин күбөлөр маалымдашты. Кабарга караганда, жүргүнчү ташыган кичи автобус Балыкчыдан Бишкекке келе жатып, жүк ташуучу унаа менен кагылышкан.

Былтыр Кыргызстандагы жолдордогу аварияларда 800дөн ашуун адам набыт болгон.

Булак:Азаттык.

Олимпиада-2008: Базар Базаргуруев 10 жылдан кийин коло медаль жана 2 млн. 210 миң сом алды

Өткөн жылы Эл аралык олимпиадалык комитет «Пекин — 2008» Олимпиадасында допинг колдонгон деп табылган спортчулардын атын жарыя кылган эле.  Эркин күрөш боюнча 60 килограмм салмак категориясында күмүш алган украиналык Василий Федоришиндин да канынынан допинг табылгандыгы айтылган. Ошондон улам анын күмүш медалы япон балбаны Кеничи Юмотого ыйгарылган. Ал эми анын коло медалы казак балбанына ыйгарылмак, бирок ал баш тарткандыктан андан кийинки орундагы Кыргызстандын атынан күч сынашкан Базар Базаргуруевге берүү чечими кабьл алынган. Бүгүн Бишкекте өткөн Азия чемпионатынын жыйынтыктоочу күнүндө Базаргуруевге ошол «Олимпиада-2008дин» коло медалы туура он жылдан кийин тапшырылды. Ошону менен Кыргызстан Эгемендүүлүк алган жылдардан бери Олимпиада оюндарынан уткан медалдарынын саны жалпысынан 4кө жетти. Бирок азырынча эсепте бир да алтын жок.  Жаштар иши, дене тарбия жана спорт агенттигинин жетекчиси Канат Аманкулов Базаргуруевге КР өкмөтү тарабынан бөлүнгөн 2 миллион 209 миң 312 сом, ал эми машыктыруучусу Анаркан Үсөнкановго 552 миң 328 сом тапшырды

 Маалымат катары айта кетсек, Базаргуруев Пекиндеги Олимпиадада алгач албаниялык балбанды жеңген. Чейрек финалында Виталий Федоришинден утулган. Коло медаль үчүн беттеште япониялык Кеничи Юмотодон жеңилип, 5-орунду камсыздаган.
Базаргуруев Россиянын Бурят автоном облусунда өзү туулган айылы Челтуй айылында жашап, балдарды машыктырат.

Азия чемпионаты: балбан Муслим Евлоев алтын, Улукбек Жолдошбеков коло медал тагынды (Видео)

Бүгүн 27-февралдан бери Бишкекте өтүп жаткан күрөштүн түрлөрү боюнча Азия чемпионаты жыйынтыкталмакчы. Эркин күрөш боюнча кыргыз балбаны Муслим Евлоев чемпион аталып, алытн медал тагынды. Муслим 74 кг. салмакта монголоялык балбан ф М.Ганзори 11-1 эсеби менен жеңди. Муслим Евлоев алтын байге үчүн таймашка чейин үч беттеш өткөрүп, бардык атаандаштарын артыкчылык менен жеңген. Алгач тажикстандык Сорбон Абдулхаевди 11:0, чейрек финалда түркмөнстандык Довлетмурат Оразгылыжовду 12:2, жарым финалда ирандык Мостафа Мохаббали Хоссейнханини 8:4 эсебинде утуп алган эле.

Ал эми 61 кг. салмакта күрөшкөн Улукбек Жолдошбеков коло медалга татыды.

Буга чейин грек-рим күрөшү боюнча кыргыз балбандары жалпысынан 8 медаль утуп, 1-орунга чыгышкан. Анын бири алтын Акжол Махмудовго таандык. Мындан тышкары, 3 күмүш, 4 коло. Ал эми кыз-келиндер арасында Мээрим Жуманазарова гана коло медалга татыган. Бүгүнкү эркин күрөштөгө Муслим менен Улукбектин алтыны менен колосун кошкондо кыргыз балбандары 11 медалга ээ болушту.

 

 

Ырчы Замир Арыкбаевдин бир тууган эжеси кайын ата, кайын эне жана кайын сиңдиси менен кошо жол кырсыганан каза тапты

3-мартта Токмок шаарына жакын жерде болгон жол кырсыгынан каза болгон келин ырчы Замир Арыкбаевдин бир тууган эжеси экенин Sputnik Кыргызстан агенттигине аткаруучунун тууганы кабарлаган.

 Кечээ күнү  эртең мененики саат 8дерден өткөндөн кийин Бишкек — Нарын — Торугарт унаа жолунун 56-чакырымында Honda Stepwgn менен Toyota Altezza үлгүсүндөгү унаалар кагышып төрт адам көз жумгандыгы бир катар ЖМКлар жазып чыккан. Каза болгон 60 жаштагы чоң ата, чоң апасы, келини жана 3 жаштагы небереси болуп Бишкектен Каракол шаарына үйлөнүү тойго бара жатышкандыгы кийинчерээк белгилүү болгон. Каза болгон аялдын аты Айнура Арыкбаева. Белгилүү ырчы Замир Арыкбаевдин бир тууган эжеси. 41 жашта болгон. Кайын-журту Ат-Башыда болгону менен өзү Бишкекте жашап келген. 2 кыздын энеси эле. Анын жанындагы каза тапкан кичинекей кыз кайын сиңдисинин кызы экени маалым болду. Honda Stepwgn үлгүсүндөгү авто унаанын айдоочусу башкаруусун жоготуп, жолдон чыгып кеткен. Андан буйтап өтүүгө аракет кылган «Ауди-100»  бет маңдайындагы Toyota Altezza машине менен кагышкан.

 

Жумабеков 1000 тонна буудайды жеп коюптур

Мамлекеттик материалдык резервдер фондусунун мурунку жетекчиси Жоомарт Жумабековго, жакында эле 2016-жылы Өзбекстандан жер семирткич сатып алуу иши боюнча мамлекетке 8 миллион сом зыян келтирди деген далилдүү жүйө менен кылмыш иши козголгон. Мындан башка да анын былык иштери четинен чубалжып чыгууда. Ал аталган фондду жетектеп турганда иштебей эле, жемкорлук менен алектенип турган окшойт. Бул фонддун азыркы жетекчиси Гуламжан Анарбаевдин маалымат каражаттарына: “Талас облусундагы буудай сактаган кампаларыбызды текшерип эсебин алышканда, ал жерде миң тоннадай буудай жетпей калды. Негизи Талас облусунун элине 700-800 тонна буудай запаска туруш керек болсо, негедир 7-8 миң тон­надай сатып алышкан экен. Биз бул боюнча бардык материалдарды Экономикалык кылмыштарга каршы күрөшүү кызматына өткөрүп берип, өкмөт башчыга да маалымдоо катары кат жаздык” – деп билдирген. Эске сала кетсек, Таластын элинен мамлекеттин акчасына сатып алынган 1000 тонна буудайды, ошол кездеги жетекчи Жоомарт Жумабеков өз адамдары аркылуу ишке ашырган. Талас Жумабековдун кичи мекени. Эми бул боюнча да кылмыш иши Жумабековдун мойнуна илине тур­ган болду. Жумабековдун учурунда фонддун кампаларында курттап кеткен миңдеген тонна ун элге, мекемелерге сатылып кеткени да ачыкка чыгып, кызуу талкууга алынган. Азыркы жетекчи Анарбаев ал курттаган ундун калдыгын жемге берип кутулганын айткан.

Булак: Фабула 

Президенттеги бардык маселе Абулгазиев аркылуу өтөт

Президент Сооронбай Жээнбековдун аппаратындагы соңку окуялардан улам, аппарат жетекчисинин биринчи орун басары Мухаммедкалый Абулгазиевдин айланасында сөз кызыды. Ак үйдүн 7-кабатындагы азыркы жагдайды ичинен билгендер Абулгазиев ушул тушта мамлекет башчынын ишенимдүү адамдарынын бирине айланганын, президентке келген-кеткен адамдардын баарын иргеп-тейлеп жатканын айтышат. Учурда аппаратта башкы адам анын жетекчиси Фарид Ния­зов эмес, Абулгазиев экенин, бардык маселе ал аркылуу өтөөрү айтылууда. Мындан улам, Ниязов кызматтан кетсе аппаратты башкарып калышы толук мүмкүн экенин белгилешет. Мухаммедкалый Абулгазиевди жакындан билгендер анын эң ириде эч кимдин көңүлүн оорутпаган, баарынын тилин тапкан, сылык-сыпаа, токтоо мүнөзүн белгилешет.

Булак: Фабула

Катуу суук Англия экономикасын бир күндө 1 миллиард 38 миллион долларга зыян кылды

Англияда учурда 1991-жылдан бери боло элек катуу суук болуп жатат. Адисттер бул сууктун кесепетинен өлкөнүн экономикасы бир күндө 1 миллиард, 38 миллион доллар зыянга учураганын эсептеп чыгышты. Бул тууралуу The Observer. жазып чыкты. Аталган басылма үч күн ичинде катуу сууктун айынан экономика 2 миллиард еврого зыян болгонун кошумчалаган. Курулуш тармагындагы жумушчулар биринчилерден болуп жумушун токтоткон. Транспорт түйүндөрү да иштебей калууга мажбур болгон. Бул сууктун айынан дүкөндөргө да келген адамдар кескин азайып кеткен.

 

Түрмөгө камайм! Мирзиёев аткаминерлердин тойго баруусуна тыюу салды

Өзбекстандын президенти Шавкат Мирзиёев аткаминерлердин тойго баруусуна тыюу салганын UzNews порталы маалымдады.

Мамлекет башчысы мындай тыюу премьер-министрге, акимдерге жана башка аткаруу бийлигинин өкүлдөрүнө тиешелүү экенин баса белгилеген.

«Эгер мамлекеттик автоунааларды чайханалардын алдынан көрсөм иштен алып, кылмыш жоопкерчилигине тартам. Бой көтөргөн премьер келгенде бардыгы ордунан турган көрүнүш элге жакпайт. Эң жакшысы ошол акчага эт алгыла, же муктаждардын үйүн оңдотуп, телевизор сатып бергиле, уяты жоктор десе!» — деп президенттин ачуусу келген.

Ал ошондой эле Олий Мажлистин Сенаты «үйлөнүү үлпөтүнө чакырылгандардын санына чейин аныктаган» токтом кабыл аларын айтты.

«Бюджеттен айлык алган катардагы киши төрт кызын күйөөгө узатышы керек болсо асынып калып жатат. Анткени башка чара жок. Карызга батышып, ден соолуктарына да кам көрүшпөйт. Үйлөнүү үлпөт үчүн акча топтоп, канча килограмм палоо керек, кандай эмерек алыш керек деп баш катырышат. Биз бапыраган үлпөт тойлорду өткөрүүдөн баш тартуу боюнча аракеттерди көрдүк, бирок ишке ашкан жок», — деди Мирзиёев.

Президент тыюу салуу менен коррупциянын деңгээлин азайтып, өлкөдө адилеттүүлүк орнотууга жардам берерин кошумчалады.

«Бардыгы бирдей той берет. Эгер бир жетекчи, аким, прокурор, салыкчы норманы буза турган болсо ошол күнү түрмөгө камайм, көрөсүңөр. Бапыратып үйлөнүү үлпөт той берүү үчүн акчаны кайдан алып жатат? Мунун бардыгы уурдалган акча! Тойго 110-120га чейин гана киши чакырылат. Эң көп дегенде 150 киши келип, ал дагы атайын комиссиянын уруксаты менен болот. Башкача той болбойт», — деп президент сөз берди.

Жаңы токтомго ылайык, үйлөнүү үлпөт тойлору 13:00дөн 14:00гө чейин гана өткөрүлөт.

Булак: Спутник кж.

ЖК депутаты Абтандил Кулбараков: Бизде 40 миң айлык жок, кредитти төлөө мөөнөтүн узартышыңар керек (Видео)

КСДП фракциясы өткөн жума күнү арзан турак-жай маселесин карады. Депутаттардын көбү мамлекеттик ипотекага берилип жаткан турак-жай кымбат экенин баса белгилешти. Чынында кымбат экенин ар адамга түшүнүктүү болуп турат. Мына ошондой ойду депутат Кулабараков Абтандил да баса белгилеп, жеткиликтүү айтып берди.

Автандил Кулбараков: Кредитти толоо моонотун 25-30 жылга чейин узартышынар керек

Автандил Кулбараков: Кредитти толоо моонотун 25-30 жылга чейин узартышынар керек

Опубликовано СДПК в ЖК КР 2 марта 2018 г.

Авто сүйүүчүлөр аялдарды өзгөчө куттуктады (видео)

Шымкенттеги (Казакстан) авто сүйүүчүлөр Аялдардын эл аралык майрамын куттуктап өзгөчө ыкманы ойлоп табышты. «8-март» деген сөздү машиналарын тизип   жазышкан. 

Видеонун башында айдоочулар чогулуп аялдарды куттукташат.

❤️❤️❤️❤️❤️❤️❤️❤️❤️❤️❤️❤️❤️❤️❤️ Шырайлы Шымкент қаласының әуесқой автокөлік жүргізушілері келе тұрған Халық аралық 8-наурыз әйелдер мерекесімен шын жүректен құттықтайды… 🌷🌷🌷🌷🌷🌷🌷🌷🌷 🔆🔆🔆🔆🔆🔆🔆🔆🔆🔆🔆🔆🔆🔆🔆🔆 Позвольте вас поздравить с праздником весны, красоты и любви — с 8-м Марта! Пусть сегодня ваша душа до краев наполнится светом, теплом и радостью от искренних пожеланий, нежных цветов, приятных подарков! Пусть ласточки вьют гнезда над вашими окнами и несут в дом благополучие и взаимопонимание, а первые лучи весеннего солнышка укажут на счастливую тропинку вашей судьбе! 🌷🌷🌷🌷🌷🌷🌷🌷🌷🌷🌷🌷🌷🌷🌷 Спасибо отдельно за поддержу:@smotra_shymkent @avtovaz_13 @w124history @550gramm @aizh_sun @dake01 @otyrarkz и TIME SECURITY

A post shared by ⚫АвтоСообщество MBCLUBSHYMKENT (@mbclubshymkent) on

«УМУТ» фирмасы  чыгарган айрандын ичинен чычкан  чыгып… (Видео)

«Умут» компаниясы тарабынан чыгарылган айрандын ичинен өлгөн чычкан чыккандыгын фейсбук колдонуучусу  Саламат Таштанбекова чыгарды. Ал: «Азыр бир нерсени ичип жеш да коркунучту болуп калдыго, жеңем жакшы эле балдарга берейин деген экен.Текшерүүдон өтпөйбү….» деген пикир менен видеону жүктөгөн.

Видеодон аял: «Умут фирмасынын айранын алдым эле, балдарга берейин деп, ичине чычкан чыкты. Бул фирманын айранын албагыла » — деп айтат.

«Вести.кж»  аталган компаниядан видео тууралуу пикир алышкан. Компаниянын өкүлдөрү  айран өндүрүлгөн жерден чычкан эмес кумурска өтө албастыгын айтышып, видеону тартып алган авторун издеп жатышканын айткан. Ошондой эле коробканын ачылышы туура эмес экен. Биздин айрандын коробкасы көрсөтүлгөн сызык менен тегиз ачылат дешкен.

Азырынча видеону автор оюнан чыгарып  чыгарганы же чындыгында айрандын ичинен чычкан чыккандыгы белгисиз .

Учурда бул тасмалар соцсеттерде кызуу талкууга алынууда.

https://www.facebook.com/salamat.tashtanbekova.5/videos/161653267976844/

В компании уверяют, что животное не могло попасть в напиток на этапе производства Из упаковки айрана фирмы «Умут» выпала мертвая мышь. Пользователь социальной сети Facebook Саламат Таштанбекова опубликовала видеоролик, автор которого продемонстрировал весьма неприятную находку в продукции молочной компании. «Мы взяли айран фирмы «Умут» и хотели дать детям, но оттуда выпала мышь. Не покупайте продукцию этой компании», — говорит голос за кадром. Между тем, в компании «Умут и К», куда Vesti.kg обратились за комментарием, заявили, что уже изучили данный ролик. — Человек еще не разобрался в ситуации, но уже обвиняет нас! Такого быть не может, — возмутился представитель компании, пожелавший остаться неизвестным. — Система розлива у нас безупречная и соответствует мировым стандартам, а на производстве используются современные системы очистки и фильтрации. Кроме того, на самом выходе розлива стоит специальная металлическая сетка — там даже муха не пройдет! Сотрудник уверяет, что животное не могло попасть в напиток на этапе производства, и, скорее всего, само прогрызло упаковку. — В видео видно, что упаковка не разорвана, а погрызана, — отметили в компании. — Мышь могла разгрызть ее где угодно: в магазине, у автора ролика дома. Наша упаковка открывается ровно по шву, а не так, как показано на видео. Если бы мышь попала в айран на складе, то это бы заметили при дальнейшей реализации продукта. В заключение представитель «Умут и К» заявил, что руководство фирмы пытается связаться с автором видео, но пока безуспешно.

A post shared by Новости | Kyrgyzstan | Жанылык (@kyrgyznews) on