Отунбаева: КСДП каалаганын жасап жатат, ага атаандаш күч түзүү керек

Кыргызстанда азыркы башкаруучу КСДП партиясына атаандаш боло турган күч түзүү зарыл. Мындай пикирин бүгүн Бишкекте коррупцияга каршы аракеттерди талкуулаган жыйында экс-президент Роза Отунбаева билдирди.

Ал саясатчылардын, оппозиция өкүлдөрүнүн бийликти сындаган жыйын-талкуулары ураандар менен чектелбестен, 5-6 жылдан кийин күчтүү платформага айлануучу өзүнчө саясий күчкө биригүү планын талкуулашы керек деп эсептейт.

— Саясий атаандаштык жокко эсе бүгүн. Саясий майданды бир партия ээлеп турат, билгенин жасап жатат. Биз бүгүн азыркы КСДП, анын клон-партиялары жасаган иштерди сынга алып жатабыз. 2020-жылга карата күчтүү саясий күч түзүлүшү керек. Аны жакшылап “бышырыш” керек. Бул үчүн сүйлөшүп, өз позициябызды тактап, бир ойго келүүбүз зарыл, — деди Отунбаева.

Жыйында саясатчылар, жарандык коом өкүлдөрү Кыргызстандагы сот, укук тартибин коргоо органдарынын абалын, келечегин талкуулап жатышууда.

Ага экс-президент Роза Отунбаева, Жогорку Кеңештин мурдагы төрагалары Абдыган Эркебаев, Акматбек Келдибеков, Адахан Мадумаров, экс-премьерлер Амангелди Муралиев, Темир Сариев, Феликс Кулов, Жогорку Кеңештин депутаттары Наталья Никитенко, Жанар Акаев, Курманбек Зулушев, Исхак Масалиев жана башкалар катышып жатышат.

Талкууну укук коргоочу Динара Ошурахунова баштаган жарандык коом өкүлдөрү уюштурду.

Алардын айтымында, жыйынга президенттик жана өкмөттүк аппараттан бийлик өкүлдөрүнө чакыруу жөнөтүлгөн, бирок эч ким келген жок.

Булак: Азаттык

Фото — Ошто 2 жаштагы наристени атасынын унаасы тебелеп кетти

Ош шаарындагы күтүүсүз кырсыктан 2 жаштагы наристе көз жумду. Аны атасынын автоунаасы тебелеп кеткен.
Ош ШИИБдин басма сөз кызматынын маалыматы боюнча, кечээ, 1-мартта саат 15:00 чамасында Тургунбаев кѳчѳсүнүн 27 жаштагы тургуну «Мерседес-Бенц-270» үлгүсүндѳгү унаасын үйүнүн алдына нейтралдуу абалда токтотуп, өзү үйгѳ кирген. Андан бир аз убакыттан кийин унаа артка карай жылып, арткы оң дѳңгѳлѳгү ойноп отурган 2 жаштагы баланы белинен тебелеп кеткен. Анын кесепетинен айдоочунун уулу (2016-жылдын февраль айында тѳрѳлгѳн) катуу жаракат алган.

Жабыркаган наристе ата-энеси тарабынан ооруканага жеткирилип, бирок ички органдары катуу жабыркагандыктан дарыгерлер анын өмүрүн сактап кала алган эмес.
Жубайлар 2 кыз, 1 уулду болушкан. Наристенин атасы таксист болуп эмгектенип келген. Ал үйүнө зарыл иштери менен барып, кайра тез кайтууну пландаштырганын, шашкандыктан унаанын кол тормозун тартууну унутканын айтууда.
Маркум наристенин туугандары соттук-медициналык экспертизадан баш тартышты. Учурда тиешелүү техникалык экспертизалар дайындалды. Окуя Ош шаардык ички иштер башкармалыгынын кылмыш каттоо китебине кокустук катары катталып, иликтѳѳ иштери улантылып жатат.


http://www.turmush.kg

ЖК депутаты Фархад Иминовдун ордуна Маматалиев келет

Жогорку Кеңештин «Республика _Ата-Журт» фракциясынын депутаты Фархат Иминов

Марлен Маматалиев

мөөнөтүнөн мурда депутаттык мандатын тапшыра турган болду. Анын ордуна мурунку вице премьер министр Абдрахман Маматалиевдин уулу Марлен Маматалиев келе турганы айтылууда.

Эске сала кетсек, Фархад Иминов Кыргызстандан Өмүрбек Бабанов менен удаалаш чыгып кеткен бойдон кайрылып келел элек.

 

Сапар Исаков кыргыз милициясын полиция деп өзгөртүү боюнча тапшырма бергенин айтты

Бишкекте коопсуздук жана кылмыштарды алдын алуу боюнча чоң жыйын өтүп жатат. Бул жыйынга өкмөт башчы Сапар Исаков баштаган атка минерлер катышууда.  Жыйындын жүрүшүндө өкмөт башчы  милицияны полиция деп атоо  боюнча тапшырма берилгенин айтты. Бул реформа алкагында жасалып жаткан иштерди бири катары кабылданып жатат. Бул маселени ИИМ ишке ашыры кажет. Кыргыз милициясынын бир кылымга жакын тарыхы бар. Эми аны полиция деп атап, милицияны элге жакын кылу убашкы максат экенин белгилешти. Аты өзгөргөн соң, заты да өзгөрүшү зарыл. мына ушул жагына басым жасоо керек…

 

Тогуз-Торо: жергиликтүү эл Макмал кенине кирип барды

1-мартта Тогуз-Торо районунда жергиликтүү эл аймакта курулуп жаткан Макмал алтын кенинин базасына кирип барды. Бул тууралуу “Азаттыкка” райондун акими Тилек Идирисов билдирди. Жергиликтүүлөр «Макмалда алтын өндүрүүчү фабриканын курулушу токтобостон жүрүп жатат» деген жүйө менен ишканага кирип барып, дубалды уратышкан.

— Райондук маданият үйүнүн жанында 500дөн ашык киши келип, 150дөн ашыгы комбинатка барышты. Ал жерде алгач комиссиянын мүчөлөрү комбинат иштебей жатканын текшериш үчүн ичине киришкен, бирок сыртта чогулган эл “бизди да киргизгиле” деген талап менен алтын кендин коргонун уратып кирип кетиптир.

Идирисов жергиликтүүлөр комбинаттын мүлкүнө бүлүк салбаганын, болгону дубал урап түшкөнүн кошумчалады.

Тоо-кен байытуучу ишкананын курулушуна каршы чыккандар 1-февралда Тогуз-Тородо митинг өткөрүшкөн. Анын катышуучулары “фабрика ишке кирсе Чернобыл сыяктуу эле зыяндуу болорун, мал-жан ууланаарын” айтып чыгышкан. Жергиликтүү бийлик өкүлдөрү алардын талаптары каралат деп убада берип, комбинаттын курулушу токтогонун маалымдашкан.

Саралаева Адаш, КРнын Эмгек сиңирген артисти Айбек Саралаевдин апасы: “Балам кичинесинде асмандагы Айды алып бергиле деп кыйначу”

Бейиш эненин таманында…

 20 жылдан бери кыргыз маданиятынын туусун желбиретип, анын өсүп-өнүгүшүнө өз салымын кошуп келаткан кыргыз элинин белгилүү опера жана эстрада ырчысы Айбек Саралев жакында эле “Кыргыз Республикасынын Эмгек сиңирген артисти”  наамын алганы баарыбызга маалым. Адаш апа бүгүнкү күндө кичүү баласы Айбек менен Бишкек шаарында небере-чөбөрөнүн урмат-сыйына бөлөнүп, бакубат карылыкта жашап жатат. Жаздын алгачкы күнүндө туура 80 жашка толуп, балдары менен бирге жалпы туугандарын да кубанычка бөлөп турат.

Элибиздин сыймыктуу уулу  Айбектин таланты, эмгеги көп айтылып, көп жазылып келатат. Бирок анын атасы, апасы, балалык чагы тууралуу маалыматтар аз. Биз ушундан улам Айбек мырзанын апасы Саралаева Адаш апа менен маектешип, бир топ кызыктуу маалыматтардык алдык.

 Адаш апа, күүлүү-күчтүү, жакшы жүрөсүзбү?

—Жакшы айланайын балам, жакшы жүрөбүз.

—Апа, алгач окурмандарга өзүңүз жөнүндө айтып берсеңиз?

—Мен 1938-жылы туулгам.  1955-жылы  17 жашымда раматылык абышкам Бозалага турмушка чыккам. Ошол кездеги шартка байланыштуу фамилям кайын атамдын атынан катталып калган. Жаштайыбыздан эле колхоздун ар кандай жумуштарында жаныбыз тынбай эл катары иштедик. Абышкам экөөбүз 55 жыл бирге түтүн булатып, 10 бала төрөдүм. Азыр 7 балам бар. Бейиши болгур абышкам, 2010-жылы 79 жашында каза таап калды. Абышкамдын ашы берилгенден кийин кичүү балам Айбектин колуна Бишкекке келип жашап жатам.

балдары менен…

Балдарыңыз, неберелериңиз  жөнүндө айтсаңыз?

—Улуу балам Талант быйыл 60ка чыкты. Бишкекте турат. Андан кийинки кызым Анара Көлдө турат. Анан Турус деген балам дагы Бишкекте жашайт. Андан кийинки уулум Эрнис  айылда турат. Эрнистен кийин Жылдыз деген кызым Казакстанга турмушка чыгып, ошол жакта жашап жатат, кичүү кызым Кундуз Бишкекте жашайт.  Анан эң кичүүсү ушул ырчы уулум Айбегим. Кудайга шүгүр, баары эле турмуштан орун –очок алышты. Кудай кут кылсын, 19 неберем, 11 чөбөрөм бар. Кудайыма ыраазымын! Балдарыма, небереме ыраазымын. Мына, бул да буйрук экен 80 жаштын астанасын аттадым. Айбек баштаган балдарым чоң той өткөрөбүз деп калышты. Мен: “Кой, айланайын жөн эле коёлу, кереги жок” – десем, болбой жатышат. Кичине кезде балдарың апанын айтканына көнсө, минтип карыганда балдардын айтканына көнүп, ошолордун айтканы менен болуп калат экенбиз. Иши кылып, балдарым, өзгөчө Айбегим катуу чуркап жүрөт. Балам элге уят болбой, тоюбуз жакшы өтүп кетсе болду. Азыр мына ушул жагын ойлоп сарсанаа болуп жатам.

Айбек жөнүндө эмне айтасыз? Бала чагы, таланты тууралуу эл билек элек дагы маалыматтар бар да…

—Айбек кичинекей чагынан эле ырга шыктуу болчу. Мектепте окуп жүргөндө концерттерге, ар кандай иш-чараларга такай катышып жүрдү. Илгери колго көтөрүп ала турган магнитофондор болчу эмес беле, ошону даңкылдатып коюп алып, ар кайсы жакта эле жүрчү ырдап, бийлеп. Керимбек деген шоопурубуз болоор эле, ошонун машинасына түшүп алып ырдай берчү. Сыргабек деген комбайынчыбыз бар эле, анын комбайына түшөм деп кыйначу. Алар: “Апаңа барып вино анан тамеки алып келсең, комбайнга салам”- дешчү экен, тамаша- чыны менен. Аны мага балам айтып келет да, сурап.  Мен бербейм. Ал көк беттенип кечке ыйлачу. Анан дагы бир өнөрү болоор эле, Айбегим Калдаш, Токон деген кошуналарыбызга түндө: “Мага асмандагы Айды алып бергиле”- деп айтып, талап коюп, аларды кыйначу, асманга колун созуп…

Ырчы боло турган балдар көбүнчө кичине кезинде ыйлаак, чыр болот деп коюшчу эле. Ошол чын турбайбы…

Чын эле Айбегим, кичинесинде ыйлаак болчу, тим эле чыр болчу. Сакмалга барганда тынч жүрбөй, азапка салаар эле. Сакмалчыларды да тажатты. Сакмалда Токон дегендин мотоцикли бар эле, ошого түшөм деп эле чырдачу.

Айбектин атасы-Бозала.

Чынын айтканда биз жасабаган колхоздун жумушу калган жок. Апийим тилдик, апийимден тышкары  50-60тен кой төлдөтүп сакмалда жүрдүк. Анан суу да сугарып, эркектер менен кошо чөп чаптык. Машак тердик… Айтор, айтып олтурсак, бир топ эле кыйынчылыктарды көрдүк.

Ал эми Айбектин атасы колхоздо актив болуп, жооптуу кызматтарда узак жылдар бою иштеди.

Зоотехник, бригадир, кампа башчысы, уй ферма ж.б. кызматтарда иштеп биздей кыйналган жок. Ат үстүндө эле жүрдү.

Айбекке ырчылык талант кимден жукту? Ырдагандар  тайларынанбы, же тукумунда бар беле?

—Тайларында деле ырчылык талант жок. Айбектин өз атасы жакшы ырдачу. Үнү коңур,  жакшы эле. Отуруштарда  Атай Огонбаевдин, Муса Баетовдун ырларын көп ырдайт эле. Ырга атасы шыктуу болчу. Менимче, Айбекке ырчылык талант атасынан өттү. Адегенде Айбектин атасы экөөбүз: “Ырдабай эле кой,  андан көрө кенчинин окуусун окуп, биздин жаныбыздагы Кара-Кечеден иштей бер анан ошол жактын чоңу болосуң”- деп айтып калчубуз. Балабыз биздин бул айткандарыбызга болгон деле жок. Ырдай берди. Барган сайын такшалды. Анан атасы деле каршы болбой, “Мейли, ырчы болсо болсун” – деп калдык. Консерватория деп коёсуңарбы, мына ошол жактан билим алды. Анан эле опера театрында ырдап иштеп жатканына 15 жылдан ашты го. Башка мамлекеттерге барып, кароо-сынактарга катышып, байгелүү орундарды алып келип жатты. Ал башка мамлекеттерге барган сайын мага белек-бечкегин ала келет. Бул жактан да толгон-токой белек берип жатышат. Иши кылып, баарына ыраазымын! Бир нерсе айта кетейин балам,

Генерал Шаяхметов. Казакстандын Улуттук коопсуздук комитетинин мурунку башчысы

Айбегим бу казак жергесине да барып ырдап жүрбөйбү. Мына ошол жакта  Адиль Шаяхметов (ред: генерал – майор Шаяхметов Казакстандын Улуттук коопсуздук комитетинин мурунку жетекчиси)  деген генерал менен тууган болуп, мамиле түзүп алган экен, аны да тойго чакырыптыр. Көрсө, ал генерал кыргызга жээн болот турайбы. Баламдын кыргыз-казак элиндеги ушундай залкар адамдар мене жакшы мамиледе болуп, зоболосуна көтөрүлүп жатканына биз кубанып жатабыз.

Уулуңуз жакында эле Кыргыз Республикасынын Эмгек сиңирген артисти наамын албадыбы? Сиз бул наамды алганда кандай сезимде болдуңуз?

—Ооба, айланайын. Кубанганымдан көзүмдөн жаш тегеренди. Өкмөткө да ырахмат, баламдын аздыр-көптүр ак эмгегин баалап өз убагында ушундай чоң наам бергенине. Төбөбүз көккө жетип калды. Кудай кут кылсын! Аман-эсен жүрүп, элине дагы да аруу эмгек өтөп, мындан да чоң наам-сыйлыктарга жете берсин. Эне байкуштун тилегени балдардын жакшылыгы да.

—Балаңыздын кулк- мүнөзүнө энеси катары кандай баа бересиз?

—Айбек балам өзү башынан күйүмдүү. Тууганчыл. Өзү да, колу ачык. Берешен. Жокту көп айтпайт. Үй-бүлөсүн жакшы карайт. Үч балалуу болду.

Мына биздин Баш-Кууганды айылынан айтылуу залкар инсандар Кыргыз Эл артисти Мыскал Өмүрканова, жазуучу Шатман Садыбакасов дегендер чыгып, элге кызмат кылышып, тарыхта өз ысымдарын өлбөс-өчпөс кылып жазып кетишти. Мыскал эжени биз деле эже деп, концерт коюп келгенде жанталашып көрүп, укмуш суктанчу элек. Эми үнү укмуш эмес беле, андай таланттын табылышы да кыйын. Балам ошолордун жолун жолдоп, талантын ташкындатып, элине ак кызматын кыла берсе дейм. Азыр эми жашоо жакшы. Барган сайын оңолуп жатат. Биз көргөн кыйынчылыктарды эч ким көрбөсүн. Чынында азыр баары белен. Үйгө бардык шартты түзүп алып жатышат. Ошондон улам кыз-келиндер да биз сыяктуу иштебей жалкоонун жалкоосу  болушту. Бул жагы бар. Кыздарыма, келиндериме деле айтып жатам. Кудайга ыразымын! Балдар аман болсун. Акырындай айтарым, ылайым элибизде тынччылык, токчулук, молчулук болсун! Мамлекетибиз өсүп- өнө берсин! Жамандык көрбөгүлө, ден-соолугуңар чың болуп, ойлогон  максатыңарга жеткиле.

Баарлашкан: Айбек ШАМШЫКЕЕВ

 

Апасынын бутун жууп, ал сууну ичип, ыраазычылык айтып, ыйлаган кыргыз жигити (Видео)

Береги тасманы көрүп, сезимдериң бир эсе серпилип, муундарың бошой түшөт экен. Бул тасмадагы эне, бала Кыргызстандын кайсы аймагында экени азырынча бизге белгисиз. Бирок бул тасма учурда соцсеттерде тарап, адамдын жүрөктөрүн козгоп, колдоо таап жатат. Тасмада көрүнүп тургандай жигит энесинин бутун жууп, таманынан жыттап, ыйлап жибергенин көрөт. анан да апасына: «Ажыга алып бара албай жатам»- деп өкүнүч кылган. Андан соң, апасынын бутун аарчып берип, апасынын бутун жууган сууга бетин жууп, ал суудан ичкен… Бизде мындай көрүнүштөр жокко эсе экенин билип эле жүрөбүз. Ал эми бул жигитке сөз жок…

Кыскасы, бул жигит «Бейиш эненин таманында…» — деген сөздү терең түшүнгөн, энени өтө терең сыйлаган жигиттердин бири экен. Бирок суудан ичкени ашыкча го…

Ылайым, бар болсун, энелер, энелердин бар байлыгы балдар…

Бейиш эненин таманында

Опубликовано З. Окенбаевой 1 марта 2018 г.