Абдылдаев: Кытай элчилигине жер бөлүү боюнча ички макулдашуу жүрүп жатат

Кытайдын элчилиги үчүн 3 гектардан ашуун жер бериле тургандыгы буга чейин кыргыз коомчулугунда кызуу талкууланган. Президент Сооронбай Жээнбековдун Кытайга болгон сапарында өлкөнүн элчиликтери үчүн жер тилкесин бөлүп берүү боюнча келишимге эмне үчүн кол кол кюлбай калгандыгынын себебин тышкы иштер министри Эрлан Абдылдаев түшүндүрдү. Бул келишимдин тегерегинде ички макулдашуу жүрүп жатат. Андыктан келишимге кол коюу кийинкиге калды.

 

 

Уялчаак депутат Жолдошбаевдин эбегейсиз чоӊ хан сарайы (Видео)

“Kaktus.media» агенттиги эл өкүлүнүн жашоо-турмушуна кызыгып, иликтеп жазып чыкты. Маалыматта айтылгандай  Камчыбек Жолдошбаев учурда Бишкектин Ашырбек Бакаев көчөсүндөгү  2, 5 гектар жерди ээлеген хан сарайда жашайт экен.

Жолборсту жетелеп жүргөн кишинин сүрөтү интернетке тарады

Ырчы Асел Кадырбекова жолборсту жетелеп жүргөн кишинин сүрөтү интернетке жүктөп: «бирөөгө кол салса эмне болот» деп тынчсызданды.
Сүрөт Бишкек шаарындагы Түштүк Магистраль көчөсүнөн тартылган.
Учурда жолборс кимге, кайсы зоопаркка тиешелүү экени айтыла элек.

Жогорку Кеӊеште маркум Темир Жумакадыровдун ысымын Бишкектеги Жаштар аллеясына берүү сунушталды

Бүгүн Жогорку Кеӊеште Ар кандай маселелер учурунда депутат Руслан Казакбаев өзүнө келип түшкөн кайрылууну окуп берди. Ал кайрылууну депутатка Ысык-Көлдөгү, Бишкектеги бир катар коомдук уюмдар жолдогон. Анда  маркум Темир Жумакадыровдун ысымын Бишкектеги Жаштар аллеясына берүү сунушу айтылган. Депутат дагы бул сунушту колдоого алуу керек деген оюн айтты.

Эске сала кетсек, Жумакадыров 3-4 жылдай Коопсуздук кеӊешинин катчысы, кийин жаӊыдан вице-премьер болуп иштеп турганда былтыр Таласка баратып, жол кырсыгына кабылып, каза тапкан. Артында үч кызы калды. Жубайы жакында анын атынан фонд түзүп чыккан.

Жогорку Кеӊештин жалпы жыйыны. Ар кандай маселелер (Түз эфир)

07.06.18. Жогорку Кеңештин жалпы жыйыны. Түз эфир

Опубликовано ОсОО "Медиа Холдинг "Пирамида" 6 июня 2018 г.

Жээнбеков Кытайга Кыргызстанда электромобил чыгарган завод курууну сунуштады

— Биздин өлкөбүз кытай электромобилдерин чыгаруу, аны Борбор Азия жана ЕАЭБге экспорттоо үчүн аянтча болуп бермек. Сиздин “Бир алкак – бир жол” демилгеңиздин алкагында аны ишке ашырууга мүмкүн экенин эске алганда биздин ортобуздагы кызматташуунун бул багытынын келечеги бар деп эсептейм-деди Сооронбай Жээнбеков  Бээжиндеги мамлекеттик сапарында Кытай төрагасы Си Цзинпин менен сүйлөшкөн учурда.

Мындан сырткары Кыргыз-кытай алакасын бекемдөөгө багытталган бир катар документтерге да кол коюлду.

Жээнбековдун Бээжиндеги мамлекеттик сапары 8-июнга чейин уланат. Андан кийин 9-10 июнда Кытайдын Циндао шаарында өтө турган Шанхай кызматташтык уюмуна мүчө мамлекеттердин башчыларынын саммитине катышат.

 

Атамбаев: Элпек достору Жээнбековду опуртал жолго түртүп жатышат

Мурдагы президент, КСДП партиясынын төрагасы Алмазбек Атамбаев партия мүчөлөрү Сапар Исаков менен Кубанычбек Кулматовду камакка алуу туурлуу чечим коррупция менен күрөшүү эмес деп эсептейт. Бул тууралуу ал бүгүн тараткан билдирүүсүндө айтылат.

“Бажыдагы уурулуктун масштабдарын ачып көрсөткөн мамлекеттик ишмерлерди камакка алуу туурасындагы кечээки чечим, бул иш жүзүндө бажы кызматынын көмүскөй кардиналы катары белгилүү “Раим-миллиондун” бийликтеги достору, колдоочулары тарабынан болуп жаткан өч алуу. Исаковду, Кулматовду эптеп бир шылтоо таап, камоо милдети коюлганын көрүп турам. Алар тергөө тарабынан коюлуп жаткан айыптоолордун негизин түзгөн чечимдерди өз алдынча кабыл алууга ыйгарым укуктары болбогонун расмий түрдө билдирем. КСДПнын активдүү башка мүчөлөрүн, анын ичинде Жалал-Абад шаарынын экс-мэри С.А. Авазовду жана Жогорку Кеңештин депутаты О.М. Артыкбаевди куугунтукка алууну да негизсиз деп эсептейм. Коррупцияга каршы кызматтын учурдагы директору сыяктуу элпек достору өлкө президенти С.Ш. Жээнбековду опуртал жолго түртүп жатышат. Мен ага өзүнө мурун эскерткен элем, а ушул жылдын мартында дагы бир жолу өзүмдүн маалымат жыйынымда айтканга аргасыз болдум» деп айтылат Атамбаевдин билдирүүсүндө.

Президенттик аппарат Атамбаевдин бул билдирүүсүнө байланыштуу азырынча комментарий бере элек.

Быйыл 26-январда Бишкектеги Жылуулук электр борборунда (ЖЭБ) авария болуп, -20 градустан ашкан суукта абоненттерге беш күн бою жылуулук берилбей калган. Бул кырдаал жарым жыл мурун модернизацияланган ЖЭБге карата сын пикирлерди күчөтүп, Кытай берген 386 миллион доллардын максаттуу сарпталганы суроо жараткан. Башкы прокуратура Кылмыш-жаза кодексинин 303-беренеси («Коррупция») менен иш козгоп, УКМК тергөө баштаган.

Бүгүнкү күнгө карата бул иш боюнча Энергохолдингдин мурдагы башчысы Айбек Калиев, мурдагы өкмөт башчы Сапар Исаков, мурдагы энергетика министри Осмонбек Артыкбаев, Бишкектин мурдагы мэри Кубанычбек Кулматов, Жалал-абаддын экс-мэри Салайдин Авазов, «Электр станцияларынын» башчысы жана орун басарлары УКМКнын тергөө абагында камакта жатышат.

Булак:Азаттык

Казакстанда менингококк жугузуп, 13 киши каза болду

Казакстанда менингококк инфекциясын жуктуруп алгандардын саны 59 адамга жетти, алардын 21и балдар. Ал эми каза болгондордун саны 13 киши. Бул тууралуу казак маалымат булактары жазып чыкты.

Маалыматта айтылгандай  бул кыш жана жаз мезгилинде өөрчүй турган илдет . Бул ооруну менингококк бактериясы козгоп, жугуштуу болуп эсептелет. Ага менингит, назофарингит, менингококк сепсиси кирет.

Менингит — мээ менен жүлүндүн кабыгынын сезгениши. Анын бир түрүн менингококк бактериясы козгогондуктан, жугуштуу оору болуп саналат.

Дача-СУ айылындагы кырсыкта ата-энесинен айрылган Жакшылык үйлүү болду

Дача-СУ айылындагы кырсыкта ата-энесинен айрылган Жакшылык үйлүү болду. Бул тууралуу Акыйкатчы институту маалымдайт.

2017-жылдын 16-январында Чүй облусунун Дача-Суу айылында Боинг-747 учагы кыйрап, анда Жакшылык Шералиев ата-энесинен жана эки кичинекей карындашынан айрылган.

Ал учурда Аламүдүн районунун Пригородное айылында жашайт.

Акыйкатчынынын билдирүүсүндө, Жакшылык Жал кичирайонундагы «Сапат» окуу жайынын 1-классын ийгиликтүү аяктады. Жакшылык медиктер жана психологдор тарабынан тиешелүү жардам алып турарын жана керектүү бардык буюм-тайымдар менен камсыздалган.

«Мамлекет тарабынан берилген акча каражатка анын чоң атасы турак-жай сатып алган жана калган каражат Бишкек шаарындагы банктардын биринде сакталып турат» — дейт Акыйкатчы.

Булак: 24.kg

Түз Эфир: Жогорку Кеңеш КТРКнын Байкоочу Кеңештин отчётун угуп жатат (танапистен кийин)

06.06.18. Жогорку Кеңештин жалпы жыйыны. (түшкү танапистен кийинки). Түз эфир

Опубликовано ОсОО "Медиа Холдинг "Пирамида" 6 июня 2018 г.

Илим Карыпбеков: КТРК өз алдынча болушу үчүн мыйзамды өзгөртүү зарыл

Бул тууралуу ал бүгүн Жогорку Кеңеште КТРКнын Байкоочу кеңешинин отчету угулуп жатканда Коомдук биринчи каналдын жетекчиси Илим Карыпбеков «КТРК бир жактуу иштеп жатат” деген айыптоолорду токтотуш үчүн мыйзамга өзгөртүү киргизүү зарыл деп эсептээрин айтты.

Ал: «буларга акыйкатты, көз каранды эместикти камсыз кылып бергиле» деп айтып жатасыздар. Кол астыңарда мыйзам бар. Ошол мыйзамга анда “мамлекеттик органдар КТРКнын редакциялык ишине кийлигишүүсүнө таптакыр тыюу салынат. Ал эми мамлекеттен каржы кепилдик түрдө берилет” деген норманы киргизиш керек- деди. 

Демек, Догоев чоң  кызматка барат

Мамлекеттик каттоо кызматынын мурунку жетекчиси Дастан Догоев Президент Сооронбай Жээнбеков кол койгон буйрукка ылайык президенттин коомдук башталыштагы кеңешчиси болуп дайындалды. Догоевдин  аталган кызматта талапка ылайык жакшы иштегени айтылган. Бирок саясаттын курмандыгына айланып, быйыл февраль айтымында кызматтан алынган болчу. Жээнбекв деле Дастан мырзанын жакшы иштегенин билип-көрүп турган. Ошондон улам, азырынча өзүнө коомдук башталыштагы кеңешчи кылды. Демек, жакын арада бир жакшы кызматка дайындайт деп ишенсек болчудай.

Булак: Багыт