Президент Садыр Жапаров 21-ноябрда Бишкектин тегерегиндеги жерлеринин кызыл китеби жок тургундары менен жолугушту. Жолугушууга миңдей адам келген.

Азаттыктын» кабарчысы жеринен билдиргендей, Ала-Тоо — 3 конушундагы жолугушууда Жапаров 2022-жылдын 1-майына чейин 11 миңден ашык түтүнгө кызыл китеп берилерин, Кыргызстанда документи жок үй болбош керектигин маалымдады. Жаңы конуштун тургундары кызыл китептен тышкары социалдык объекти, коомдук транспорт көйгөйлөрүн айтып, Жапаров 15 жылдан бери чогулган маселелер 1-2 жылда чечилет деген убада берди.

Буга чейин Бишкектин четиндеги ЖЭБ-2 ишканасынын жанындагы жашоочулардын жер тилкелери мыйзамдаштырылары белгилүү болгон. Бул тууралуу тийиштүү мекемелерге тапшырма берилгенин президент Садыр Жапаров 15-ноябрда жергиликтүү тургундар менен жолугушуу учурунда айткан.

Ошондой эле ЖЭБ-2нин жанындагы конушту Бишкек шаарынын курамына киргизүү жөнүндө маселени чечүү тапшырылганы айтылып, Сокулук районунун администрациясына тийиштүү документтерди топтоону тапшырган.

Кыргызстан боюнча 13 миң гектар жер кагаз бетинде айдоо аянты катары көрсөтүлгөнү менен, чынында там салынып, конуштар пайда болгон. Алардын көбүн 2010-жылы бийлик алмашуудан кийинки башаламандык учурунда басып алып, кийин ар кимге сатып жиберишкен.

Президент жаңы конуштардын тилкелерин трансформациялоо маселеси узак жылдардан бери чечилбей келгенин айтып, ошону менен бирге мындан ары жер басып алуу деген түшүнүк болбойт деп келет.

ПИКИР КАЛТЫРЫНЫЗ

Please enter your comment!
Please enter your name here