Кыргыз Республикасынын мурдагы судьясы Дуулатбек Бекишов көз жумду. Бул тууралуу Жогорку соттун басма сөз кызматы маалымдады.

Бекишов Дуулатбек Бекишович 1958-жылдын 28-декабрында Нарын облусунун Жумгал районуна караштуу Чаек айылында туулган. 1978-1983-жылдары — СССРдин 50 жылдыгы атындагы Кыргыз мамлекеттик университетинин юридикалык факультетинде билим алган.

1983-1986-жылдары — Жети-Өгүз районунун прокуратурасында прокурордун жардамчысы, тергөөчү болуп эмгектенген. Андан соң 1987-жылга чейин Ысык-Көл облусунун прокуратурасында прокурордун улук жардамчысы болуп эмгектенген.

1987-1991-жылдары — Жети-Өгүз районунун прокуратурасында прокурордун орун басары болуп иштеген. Андан кийин 1993-жылга чейин Ысык-Көл облусунун прокуратурасынын бөлүм башчысы кызматын аркалап келген.

1993-жылдын апрель айынан баштап ушул эле жылдын август айына чейин Нарын облусундагы прокуратурада прокурордун улук жардамчысы болгон. Ал эми 1996-жылга чейин Кыргыз Республикасынын өкмөтүнүн аппаратынын бөлүмүнүн улук референти болуп эмгектенген.

1996-2003-жылдары — Кыргыз Республикасынын Жогорку арбитраждык сотунда судья, 2004-жылы Кыргыз Республикасынын Жогорку сотунун судьясы болуп иштеген. Ал эми 2015-жылдын апрель айына чейин Жалал-Абад облусунун Токтогул райондук сотунун төрагасы, судья болгон.

Маркумдун артында жубайы 4 уулу, неберелери калды.

Бекишов Дуулатбек бүгүн Бишкекте Көк-Жар айылында жерге берилди. Топурагы торко болуп, жаны жанатта болсун. Маркумдун жалпы жакын туугандарына жана бир тууган агасы, белгилүү тарыхчы Дөөлөтбек Сапаралиевге көӊүл айтабыз…

ПИКИР КАЛТЫРЫНЫЗ

Please enter your comment!
Please enter your name here