Буга чейин министр Нуржигит Кадырбекова маданият өкүлдөрү Курал Чокоев, Кайрат Примбердиевдерге чара көрүлө турганын, алган сыйлык-наамдарынан ажыратуу маселеси сунуштала турганын айткан. Бул боюнча тиешелүү чара көрүлүп жатканын министрликтин басма сөз кызматы кабарлады: «Маданият, маалымат жана туризм министрлиги коомчулуктун терс реакциясын жараткан ырчы Курал Чокоевдин чуулгандуу автордук программасы боюнча талкуу жүргүзүп, төмөнкүдөй чечимдерди кабыл алды.Маданият, маалымат жана туризм министрлигинин 2011-жылдын 12-июнундагы буйругу менен Курал Чокоевге ыйгарылган “Маданияттын мыкты кызматкери” төш белгисин кайтарып алуу буйругуна кол коюлду.

Кайрат Примбердиевди “Кыргыз Республикасынын эмгек сиңирген артисти” наамынан ажыратуу боюнча маданият министрлининин сунушу Кыргыз Республикасынын Президентинин Аппаратына расмий жөнөтүлдү. Ошону менен бирге, министрликтин тиешелүү мекемелерине аталган ырчыларды Кыргыз Республикасынын маданият, маалымат жана туризм министрлиги тарабынан өткөрүлүүчү мамлекеттик маданий массалык иш-чараларга белгилүү мөөнөткө чейин катыштырбоо сунушталды.«

https://www.instagram.com/p/CJ0sCpNHahD/

ПИКИР КАЛТЫРЫНЫЗ

Please enter your comment!
Please enter your name here