Кыргызстанда доллардын расмий курсу бир күндө дээрлик үч сом арзандаганын  Улуттук банктын сайты жазып чыкты. Соңку курс 80,70 сом деп көрсөтүлдү, ага чейинки күнү 83,14 сом болчу. 2016-жылдан бери туруктуу бойдон 69 сомдун тегерегинде сакталып келген доллар быйыл март айында 85 сомго жетип, кийин арзандай баштаган. Июнда 73 сомго түшүп, ноябрда кайра 85ке жеткен. Ноябрдын экинчи жарымында Улуттук банк дээрлик күн сайын интервенция жүргүзүп, жалпысынан 75 миллионго жакын доллар саткан. Бүгүн, 21-декабрда Бишкектин акча алмаштыруучу жайларында долларды 80 сомдон сатып жатышат.

Орус валютасы рубль 1,10 сом болууда. Жыл башынан бери Кыргызстанда доллардын курсу 15-16 сомго көтөрүлүп, ошого жараша азык-түлүк жана башка товарлар да кымбаттап кетти. Доллардын кымбатташы менен азык-түлүктөр да кыйла кыбматтап жатат. Маселен, күйүүчү майдан баасы 4-5 сомго көтөрүлдү. Бирок ал ортодо долларга такыр байланышпаган деле  товар жана кызмат көрсөтүлөр да өз бааларын көтөрүп алышкан…

ПИКИР КАЛТЫРЫНЫЗ

Please enter your comment!
Please enter your name here