Орусияда соңку бир күндө коронавирус дагы 25 миңден ашык адамдан табылды жана бул пандемия башталгандан берки кезектеги эң чоң көрсөткүч болуп калды. Бул өлкөдө бир канча күндөн бери оору жуккан учурлар күн сайын 20 миңден ашып жатат.

Акыркы бир күндүн аралыгында 361 бейтап жан берди. Орусияда бул оору жалпысынан 36,5 миңден көп кишинин өмүрүн кыйды.

Бул жылы пандемиянын айынан Москвада жаңы жылдык иш-чаралар да өтпөйт.

COVID-19 дүйнө жүзүндө 58,7 миллион адамга жугуп, 1,39 миллион бейтап көз жумду. Ооругандардын саны жагынан АКШ, Индия, Бразилия, Франция жана Орусия алдыда турат.

ПИКИР КАЛТЫРЫНЫЗ

Please enter your comment!
Please enter your name here