6-октябрдын кечинде Бишкектеги «Достук» мейманканасынын жыйындар залына чогулган Жогорку Кеңештин депутаттары парламенттин төрагасы Дастан Жумабековдун кызматтан кетүү тууралуу арызын карады. Жыйынга вице-спикер Мирлан Бакиров төрагалык кылды. Ошондой эле бүгүнкү отурумда депутат Мыктыбек Абдылдаев жаңы төрага болуп шайланганы кабарланды.

Жогорку Кеңештин конституциялык мыйзамдуулук, сот укуктары комитети Мыктыбек Абдылдаевдин парламент төрагасы болуп шайлануусуна макулдугун берди. Бул тууралуу комитеттин мүчөсү Айнуру Алтыбаева депутаттарга билдирди.

Жыйынга 64 депутат катышканы айтылды. Иш жүзүндө канча эл өкүлү катышып, добуш бергени белгисиз. Алардын ичинде ишеним кат менен добуш бергендер бардыгы айтылды.

Добуш берүү жашыруун жүрдү.

Жогорку Кеңештин регламенти боюнча, спикерди алмаштырууга парламент депутаттарынын үчтөн экиси макулдугун бериши керек. Жогорку Кеңеште 120 депутат бар.

ПИКИР КАЛТЫРЫНЫЗ

Please enter your comment!
Please enter your name here