11-июлда өлкө боюнча 79 медициналык кызматкер коронавирус жуктуруп алганы аныкталды. Бул тууралуу 11-июлда Саламаттык сактоо министрлигинин өкүлү Айнура Акматова билдирди.

Алардын 20сы Бишкек шаарында, 34ү Чүй облусунда, сегизи Ош шаарында, үчөө Ош облусунда, үчөө Жалал-Абад облусунда, алтоо Баткен облусунда, бешөө Нарын облусунда. Ал эми акыркы бир суткада 10 медициналык кызматкер ооруканадан айыгып чыкты.

Жалпысынан республика боюнча COVID-19 диагнозу менен 1529 медициналык кызматкер катталган. Анын ичинен 546 медкызматкер стационардан айыгып чыккан. Буга чейин өлгөндөрдүн расмий саны алтоо экени кабарланган. 11-июлда каза болгон медкызматкерлердин саны айтылган жок.

Өкмөттүн чечимине ылайык, вирус жуккан медицина кызматкерлерине 200 миң сом, ал эми каза болгондорго бир миллион сом кенемте төлөнүп берилиши керек. 

ПИКИР КАЛТЫРЫНЫЗ

Please enter your comment!
Please enter your name here