Бишкектеги Улуттук кардиология жана терапия борборунун бир кызматкеринен коронавирус табылды.

Коронавирус табылган медицина кызматкери оорукананын лабораториясында иштечү.

Аталган медик ооруканадан 12 адам менен байланышта болгон. Анын баарынан дароо эле коронавируска тест жасалып, анализдери таза чыкты. Булар лаборатория кызматкерлери болгондуктан, бейтаптар менен байланышта болгон эмес», — деди борбордун жетекчиси Сарыбаев.

Жетекчи оорукана кадимки тартипте эле иштеп жатканын айтып, лабораторияда бүгүн дезинфекция иштери жүрөрүн кошумчалады.»Дезинфекциялоо аяктагандан кийин бүгүн кечинде эле ал жакка башка кызматкерлер келет. Лаборатория эртеңден баштап кайра иштей берет. Ал эми бейтап менен байланышта болгондор 12 күнгө үй карантинде болушат. Кайталап алынган анализдери таза чыккандан кийин кайра жумушка чыгышат «, — деди оорукана жетекчиси.

Кыргызстанда COVID-19ду жуктургандардын жалпы саны 2032ге жетти. Анын ичинен 1445 бейтап айыгып, 23 адам каза болду.

ПИКИР КАЛТЫРЫНЫЗ

Please enter your comment!
Please enter your name here