Мурдагы президент Алмазбек Атамбаевдин айрым тарапташтары бүгүн УКМКнын алдына чогулушту.

Атамбаевдин адвокаты Замир Жоошевдин айтымында, мурдагы президенттин тарапташтары анын саламаттыгына тынчсызданышууда. УКМКнын имаратынын жанында турган Жогорку Кеңештин депутаты Асел Кодуранованын журналисттерге билдиргенине караганда, алты депутат болуп бүгүн Атамбаевге жолукканы жатышат.

Кодуранова журналисттерге билдиргендей, алар Атамбаевге кездешүүнү дүйшөмбү күнү эле пландашкан. Мурдагы президент Алмазбек Атамбаевдин саламаттыгы начарлап кеткени тууралуу 19-февралда анын адвокаты Замир Жоошев жана уулу Кадыр Атамбаев кабарлашкан.

Кадыр Атамбаев «Фейсбуктагы» баракчасында атасынын кан басымы кескин төмөндөп кеткенин, дарыгерлер бул инсульт, инфаркт жана башка күтүүсүз натыйжаларга алып келиши ыктымал экенин айтып жатканын жазган.

https://www.facebook.com/watch/april.tv.ru/

ПИКИР КАЛТЫРЫНЫЗ

Please enter your comment!
Please enter your name here