Бишкектеги Биринчи май райондук сотунун сот аткаруучусу жок кылууга жиберилген өрдөк этин сатып жибергени белгилүү болду. Бул тууралуу УКМКнын басма сөз кызматы билдирди

УКМКнын коррупцияга каршы күрөш кызматы аныктагандай, былтыр 23-май күнү Биринчи май райондук соту аткезчилик менен алынып келген 70 тонна өрдөк этин жок кылуу тууралуу чечим чыгарган. Чечимди жүзөгө ашыруу сот аткаруучу С.Н.Ага жүктөлгөн. Бирок Коррупцияга каршы күрөш кызматы ал кызматкер этти жок кылбай эле, 150 миң долларга сатып жибергенин аныктаган. Маалыматта: сот аткаруучу болгону 5 тонна этти жок кылганы айтылат

Кармалган сот аткаруучу Жазык кодексинин 98-беренеси («Конфискациялоодо келтирилген зыяндын ордун толтуруу») боюнча айыпталып, УКМКнын тергөө абагына камалды. Учурда иликтеп-тергөө иштери жүрүп жатат.

2018-жылы «Кытайдан мыйзамсыз алынып келди» деген жүйө менен кармалган 80 тонна өрдөк этине байланыштуу чыр эмдигиче аягына чыга элек. Ал окуяда өкмөт аппаратында жана Экономикалык кылмыштарга каршы күрөш боюнча мамлекеттик кызматта иштеген аткаминерлердин аттары аталганы белгилүү.

ПИКИР КАЛТЫРЫНЫЗ

Please enter your comment!
Please enter your name here