Кечээ күнү Чүй облустук сотунун коллегиясы Азимжан Аскаровду абактан бошотуу тууралуу өтүнүчтү канааттандыруудан баш тартты. Ишти Улан Садырбеков төрагалык кылган коллегия карап чыкты. Адвокат Валерьян Вахитов Аскаровду бошотууну суранган. Ал эми мамлекеттик айыптоо өмүрүнүн аягына чейин кесилген адамдын иши кайра каралууга жатпай турганын билдирген. Эске сала кетсек, Азимжан Аскаров «Базар-Коргондо 2010-жылдагы кандуу окуяны уюштурган» деген айып менен соттолуп, өмүрүнүн аягына чейин эркинен ажыратылган. Аскаровдун соттук ишине Британия, Германия, Швейцариянын элчиликтеринин жана «Human rights watch» эл аралык уюмунун, БУУнун адам укуктары боюнча комитетинин өкүлдөрү көз салды.