Бишкек шаардык кеңеши аз күн мурун сууга жана канализацияга болгон тарифтерди жогорулатуу тууралуу долбоорду коомдук талкууга чыгарды. Шардык кеӊештин депуаттарынын  сунушу кабыл алынса, анда таза суунун бир куб метри бишкектиктер үчүн бир жарым эсеге кымбаттайт, тактап айтканда — 5,38 сомдон 8,1 сомго чейин. Бюджеттик уюмдар үчүн тариф 7,38 сомдон 9,1 сомго, ал эми башка уюмдар үчүн 9,15 сомдон 13 сомго чейин жогорулатылат. Ошондой эле, депутаттар каналазацияга болгон тарифти да көтөрүүнү сунушташты — анын баасы 1,2 сомдон 2,3 сомго чейин кымбатташы мүмкүн. Бааларды көбөйтүү боюнча сунуштун себебин депутаттар азыркы тарифтер өзүн-өзү актабайт деп түшүндүрүштү. Мэриянын маалыматы боюнча, «Бишкек суу канал» акыркы жылдары 80 млн сомдон ашык чыгым тартып жатат.