Тажик бийлиги өлкөгө эски автоунааларды алып кирүүгө тыюу салат. Өкмөт 15-февралдан тарта 2005-жылга чейин чыккан автоунааларды алып кирүүгө бөгөт койгон токтом кабыл алды.

Тажикстанга автомобиль транспорту, негизинен жеңил унаалар Балтия жана Европа өлкөлөрүнөн импорттолот. Өлкөдөгү автоунаалардын көбү 2000-жылдардын биринчи жарымында чыккандар. Импорттолгон автомобилдердин 80% Германия өндүрүшүнө таандык, алардын көбү – Opel.

2016-жылдын аягында Тажикстанда жарым миллион автоунаа каттоодон өткөн. Алардын 50-60% эски. Айлана-чөйрөнү коргоо комитетинен билдиришкендей, бул машиналар абаны булгап, адам өмүрүнө коркунуч жаратууда.

Тажик бийлиги 2017-жылдан тарта жаңы автоунааларды алып кирүүдө бажы төлөмдөрүн 50% кыскартты.

Конвейрден бир жыл мурун чыккан, 10 миң чакырымдан ашык жүрбөгөн автоунаалар жаңы деп эсептелет. Бул талап жүк ташуучу, жүргүнчү жана жеңил машиналардын баарына тиешелүү.

ПИКИР КАЛТЫРЫНЫЗ

Please enter your comment!
Please enter your name here