Чүй облусунун Аламүдүн районунда 8 жаштагы кызды зордуктоого аракет кылган молдо кармалды.

Бул туурасында АКИpress агенттиги Чүй Облустук ИИБ басма-сөз кызматына шилтеме менен билдирүүдө.

Маалыматка караганда 2017-жылдын 9-сентябрында болжол менен саат 17:30дар чамасында Кайырма айылында 1951-жылы туулган Б.К., аттуу молдо жолдон өтүп бара жаткан 8 жаштагы кызды токтоткон.

«Кыздын айтымында, ал киши аны кысып, денесин кармаган. Жанындагы кыз, ал жерден качып, башкаларды жардамга чакырган», — деп билдиришкен милициядан.

Маалым болгондой, кыздын ата-энеси тарабынан арыз түшүп, тиешелүү экспертизадар дайындалган.

Биринчи жүргүзүлгөн медициналык кароо боюнча кыздык белгиси бүтүн экендиги аныкталган, бирок денеси кызаргандыгы белгилүү болгон.

Бул факт боюнча КРнын Кылмыш-жаза кодексинин 130-беренеси боюнча кылмыш иши козголуп, териштирүү иштери жүргүзүлүүдө.

Шектүү жаран убактылуу кармоочу жайга киргизилген.

kundemi.kg

 

ПИКИР КАЛТЫРЫНЫЗ

Please enter your comment!
Please enter your name here