Чагылгандын окурмандарына белгилүү болгондой өткөн жума этегинде биздин сайтка “Элдик кабар: вотсап аркылуу Түркияда солго баскан кыргыз кыздарынын  порно видеосу  келди. Бирок…” деп аталган макала жарыяланган. Ал макалда Түркияда иштеп жүрүшкөн чүйлүк жигиттер Анкара шаарындагы айрым  кыргыз кыздарынын түркмөн улутундагы Давлет аттуу адам менен жыныстык  катнашка баргандыгы тартылган тасманы вотсап кызматы аркылуу жөнөтүшкөн болчу. Ошондой эле, алар бир топ кыргыз кыздарынын түрктөр  менен акча үчүн жеңил ойлулукка барып, абийирлерин сактабай жүрүшкөнүн  да айтышкан. Биз этиканы  сактап жана ал кыздардын тагдырына балта  чаап алуудан алыс бололу деген ниет менен кыздардын  бизге келген сүрөттөрдүн жарымын кесип сайтка койгонбуз. Ал эми порно видеону сайтка такыр эле койгон эмеспиз. Бул макала жарыяланар замат, соцбаракчаларда кызуу талкууга түшүп, ар ким өз көз караштарын жазышкан. Ал видео элге ачык көрсөтүлсүн, кыргыз кыздарын ыйманга чакыралы дегендер да көп болду. Ал кыздарга жини келип, эмоция менен  уят сөздөрдү  жазышты. Жеке жашоого кийлигишпегиле деп, жан тарткандар да үн катты. Ошол эле учурда сайттын вотсап номерлерине демебе-дем жазышып, редакциядан ошол порно видеону сураган адамдар да тынчыбызды алып жатат. Эми алар жөн эле кызык үчүн көрөбүз дешсе, кээ бирлери Түркияда биздин тааныштар бар эле, иликтеп жатабыз деп өз аргументтерин айтышты. Биздин сайттан да бир катар сайттар адаттагыдай эле  көчүрүп алышып, алар да жарыялашты. Ошентип, бул макаланы жаңылбасак кыска убакыттын иичнде  10 миңдеген адам окушту. Кыскасы, бул макала кыргыз коомчулугун аз да болсо козгоп, ар түркүн ойго салып койду окшойт. Ушундан уламбы, биздин редакцияга Түркиядан ниети бузук, кыз жандуу эркектаналардын “курмандыгына” чалынган  айрым бир кыз-келиндер кайрылышып, өз окуяларын жазып берип жатышат. Бирок алардын талабы, элге өздөрү анчалык ачыкка чыкпай, сүрөттөрүн жарыялабоо болду.

Бул кыздардын маегин окуп, айрым  окурмандар аларды тилдеп, жаман сөз айтышы мүмкүн. Мейли, бизде сөз эркиндиги күчтүү. Ким кандай айтса, жараша берет. Ошондой болсо да, эсиңиздерге сала кетели. Бул кыздар өздөрүнүн мындай жагымсыз окуяларын жыргагандан эмес, көз жаштарын төгүү менен  кыргыздын башка кыздарына, айрыкча жаш кыздарына, өзгөчө сыртта мигрант болуп иштеп жүрүшкөн кыздарына сабак болсо экен деген тилек менен айтып беришти. Сын айтардан мурун биринчи кезекте, мына ушул маселени эске алыңыздар.

-Атым Мунара. Жашым 30да. Өзүм Жалал-Абаддан болом. Менин 3 сиңдим, 3 иним бар. Окууну бүткөндөн кийин эл катары Бишкекке келип, Арабаев атындагы окуу жайга тапшыргам. Ошол учурда өзүмөн уулу Сапар деген Оштук жигит менен таанышып калып, экөөбүз бири-бирибизди жактырып калдык. Кыз-жигит болуп сүйлөшүп жүрүп, мен 1-курсту бүтө элек кезде эле колумду сурап, үйлөнөбүз деп калды. Мен аны жакшы көргөндүктөн улам, анын сунушун четке кага алган жокмун. Ал мени достору менен Бишкектен Ошко алып кетти. Карыган ата-энеси бар экен. Жашоо –турмушу анча жакшы эмес, оор эле жашоодо жашашат экен. Күйөөм үйдүн кичүүсү болгондуктан, экөөбүз кайра Бишкекке келген жокпуз. Ошентип, мен окумду бүтө албай калдым. Күйөөм башында эл катары эле, анада-санда иччү. Бирок барган сайын ичкени көбөйүп, биздин турмуш начарлап кетти. 2 жылдан кийин мен уул төрөдүм. Уулум баса электе эле, биз Бишкекке келдик, иштеп оокат кылып, тыңыйлык, үй салалык деп. Анткен менен жашообуз мен ойлогондой болгон жок. Бишкекке келгени күйөөм ар кайсы жумушка иштемиш этип жүрдү. Бирок бир аз тапкан акчасын ичип алчу. Мен балам кичине чоңойгондон кийин, аны бала-бакчага берип, кийим тигүүчү жерде иштедим. Тапканым жакшы эле болгону менен батирге, бала-бакча, үйгө азык-түлүк алгандан ашпай калчу. Күйөөм болсо акыркы күндөрү иштен жок, же тапкан акчасынан жок, үйдө эле жатып, кол-жолу бош, азгырган достору менен көчө таптап ичикенин көбөйтө берди. Мас кезинде мени “сен андайсың, мындайсың” деп жеп, кол көтөргөн күндөрү да болду. Кайнэжем экөөбүз күйөөмдүн арагын таштатууга жакшы эле аракет кылдык. Канын тазалаттык, молдого окуттук. Тилекке каршы, аныбыздан деле  натыйжа болгон жок. Баягы эле турмуш улана берди…

Акыры чыдамым түгөндү. Ажырашууга бел байлап, ажырашып кеттик. Баламды айылдагы ата-энеме бердим. Өзүм тааныш кыздарым менен батирге бирге чыгып, иштей бердим. Жалгыздын жашоосу жалгыз да. Өзүмдүн тапканым өзүмө кенен эле жете баштады. Бир күнү кыздар “Түркияга барып иштеп келебиз, ал жактан иштегендер жакшы табат экен”- деп калышты. Экөөбүз тааныштарыбыз аркылуу Анкарага келдик.

Түркияда биз ойлогондой асмандан акча  жаабайт экен. Кымбатчылык. Жумуш табуу деле оңой болгон жок. Тааныш кызымдын айылдаш эжеси бизди Осмон деген түрктүн үйүнө алып барды. Биз Осмон менен тааныштык. Ал 50лөргө чыгып калган адам экен. Көбүнчө кыргыз кыздарына басым жасап, ошолор менен иштешет экен. Өзүнүн да батири бар болчу, ага кошуп тааныштарынан да батир алып, аларга  батир, жумуш издеп жүрүшкөн кыргыз кыздарын жайгаштырып,  кээ бирлерине жумуш да таап берет экен. Кыскасы, анын кирешеси кыргыз кыздары аркылуу түшөт экен да. Бизге чакан батирин берип, жумуш таап берүүнү убада кылды. Биринчи күнү дос кызым Лейли, анын айылдашы Орозгүл эже болуп, батирге чогуу жаттык. Экинчи күнү кечке маал дос кызым эжеси менен бир жакка кетишти, “бүгүн келсек келдик, келбесек жок” деп. Мен батирде жалгыз калдым. Саат 10дордон кийин уктагам. Уктагандан кийин ашып кетсе, 1-2 сааттан кийин эшик такылдап калды. Ким экенин сурасам Осмон экен. Ал батир ичинде бир буюму калып калганын, азыр керек болуп жатканын айтып, эшикти ачтырды. Оюмда жаман нерсе жок эшикти ачтым. Ал кирип, эшикти илип, мени кучакта көтөрүп, мен жаткан төшөккө басып жыгылды. Каршылык кылдым. Бирок лөкүйгөн адамга күчүм жетпейт эле. Ал күчкө салып, мени аябай зордуктап салды. Ыйладым, каргадым. Ал кыргызча чала билчү. Мага: “Эч кимге айтпа, айтсаң өлөсүң. Өзүң эле уят болосуң. Менин колума түшкөн, менден жардам сурап келген кыргыз кыздары сөзсүз түрдө төшөк аркылуу өтүшөт. Сен биринчиси эмессиң, сендейлердин далайын көргөм. Алар деле айтпай, мен таап берген жумуштарда иштеп жүрүшөт” – деди. Ишенген жокмун. Эртеси дос кызым жалгыз келди. Ага айткан жокмун. Бул жерден кетели, башка жакка баралы десем, ал такыр болбой койду. Айлам түгөндү. Түркияны билбесем, каякка барам. Же тааныштарым жок болсо. Осмон бизге эки күндөн кийин мейманканадан иш таап берди. Экөөбүз  2 күн иштеп, 1 күн бош болобуз. Бош болгон күнү башка майда-чүйдө иштерде иштеп, кошумча акча тапканга аракет кылып жаттык. Осмондун кылык-жоругун байкап эле, билип эле жүрдүк. Ал башка иш, батир сурап тааныштары аркылуу кыргыз кыздарын мен сыяктуу эле төшөктө уйпалаганын уланта берди. Бир күнү дос кызым ыйлап мага Осмон зордуктап салганын айтып берди. Ал байкуш күйөөгө тийе элек кыз болчу. Ал айткандан кийин мен да айттым, анын зордуктаганын. Ал боюма бүтүп калбасын деп ар кайсы дарыдан да ичип жүрдү. Ачыгын айталы, Осмон бизди бир, эки жолу эле кордоду. Андан кийин тийген жок.

Башка кыргыз кыздарын кордоп жүргөнүн билип эле жүрдүк. Билгенде айлабыз канча. Бирок ал кыздардын арасынан өз көңүлдөрү менен жаткандар да бар. Биз иштеп тапкан акчабыздан батирге , андан тышкары иш таап бергени үчүн да акча берчүбүз. 3-4ай иштегенден кийин бир топ кыргыз кыздары менен тааныш болуп калдык. Алардын айрымдарыа Түркияда баштарынан өткөргөнүн. Түрктөргө төшөктө кор болгонун ачык эле айтып беришти. Биз деде ал кыздардан жашырчу эмеспиз. Кээ бир кыздар эле сыр бербей зымпыя беришчү. Ошондо биз билип калдык. Түркияга барган кыргыз кыздарына түрктөр аябай суктанышарын. Алар менен  төшөктө бирге болуу үчүн бардык кадамга барышат экен. Алар аябай кыз жандуу болушат. Кыргыз кыздарынын арасында түрктөр менен эч кандай никеси жок эле жашап алгандар, аларга тийип алгандар көп эле. Ойноштук кылып жүргөндөр да аз эмес. Алардын бир себеби – эле акча. Бир аз акча үчүн да түрктөргө кор болуп жүргөн кыздарды көрүп, зээниң кейийт. Күйөөсү Кыргызстанда калып, өздөрү Түркияда иштеп жүргөн келиндердин баары болбосо да, көбү соо жүрбөйт. Аларды азгырышып, ар кандай жолдор менен кол жоолук кылып, каалагандай пайдаланган түрктөр аз эмес. Ошон үчүн күйөөлөрү аялдарды андай алыс, бөтөн жерлерге жиберишпесе деп ойлойм. Келсе, иштешсе, экөө келип иштешсин да…

Сойкулукту кесип кылып алгандарды да көрдүк. Алар менен сүйлөштүк. Эми алар акчаны көбүрөөк табышат экен. Өздөрүн бир башкача сезип, арасында укмуш ак жолдо жүргөндөй ойлогондору да бар экен арасында.  Мен буларды өз көзүм менен көрдүм. Силерге айтпа турган да сөздөр бар. Баарын кантип тизмектеп айтам. Эл деле мени башкача ойлошу мүмкүн. Ойлосо ойлойт да, мен эми силерге  ыймандай сырымды айттым. Түркияда  бир жарым жылдай иштедим. Бишкекке келип, өзүмө ылайык иш таап алгандан кийин, кайра ал жакка баргым келген жок. Айрым тааныштарым мени жакшы эле азгырышты. Барсам эле Осмонго окшогон дагы бир немеси баса калып кордойбу деп ойлой берем. Башка кыздарга да барбагыла да ушундай жаман окуялардын четин чыгарып айтып калам. Бирок жаш кыздар угушпайт. Кетип жатышат.

Силердин “Чагылганга”  “Түркиядан порно видео вотсап аркылуу келди” –деген макалаңарды окуп алып, өзүнчө ыйладым. Кыргыз кыздары бөтөн жерде мынча эмне кол жолук болуп, кор болуп жүрөбүз деп. Анан акыр дос кызыбыз экөөбүз силердин сайтка башыбыздан өткөргөн окуяны минтип кыскача баяндап, силдердин улуттук маселени көтөрүп, кыздарыбызды ыйманга чакырып жаткан жакшы демилгеңерди колдойлу деп чечтик. Эл да колдоп, үн кошушу керек. Ишиңерге ийгилик каалайбыз. Кыздарга айтарым, Түркияга барбай эле койгула. Ал жактан тапкан акчаны бул жактан деле аракет кылып тапсаңар болот. Мына мен Түркиядан келгени жакшы эле таап калдым. Өзүмө жетип жатат. Түркия силердин тагдырыңарга балта чаап коюшу толук мүмкүн. Ал жакта баары эле сонун эмес. Кээ бир жерлерде эле жакшы болбосо, көп жеринде кыйынчылык, ушундай терс көрүнүштөр абдан көп. Жаш кыздарга айтарым, эртерээк күйөөгө тийгиле. Кыздын бактысы жакшы күйөөдө экенин мен эң сонун түшүнөм.

РS: Биз да Мунарга өз башынан өткөргөн окуяны башка кыздарга сабак болсун деп ачык айтып бергендиги үчүн рахмат айтып, бактылуу болушун каалайбыз. Кийинкиде Мунаранын дос кызы Айдананын окуясын жарыялайбыз…

ПИКИР КАЛТЫРЫНЫЗ

Please enter your comment!
Please enter your name here