IT адис Михаил Дудин аталган вирус өтөт кооптуу деген ойдо

 Facebook тармагында пайда болгон жаңы вирус боюнча IT адис Михаил Дудин Sputnik Кыргызстан агенттигинин кабарчысына кененирэк маалымат берди.

Анын айтымында, аталган вирус башкалардан келген белгисиз видео же шилтеме аркылуу тарап жатат.

«Вирус видеого окшоп тарап жатат. Ошол шилтеме басылаары менен атайын сайтка багыт берип, браузердин маалыматтарын алууга үлгүрөт. Анын арты менен колдонуучунун сыр сөзүн жана жеке маалыматтарын билүүгө жол ачылат», — деди Дудин.

Ал вирус браузерде сакталган сыр сөздөрдү билип аларын айтып, колдон келсе браузердеги ашыкче нерселерди өчүрүү керектигин кошумчалады.

«Вирус бир гана маалыматты албастан, программаны иштен чыгарышы мүмкүн. Андыктан Facebook социалдык тармагындагы жана браузердеги сыр сөздү алмаштырып, кэшти тазалоо керек. Анан компьютердеги антивирусту да карап туруу зарыл», — деди адис.

Ал ар бир компьютерде антивирус сөзсүз коюлушу керек экендигин баса белгиледи.

Булак: sputnik.kg

 

ПИКИР КАЛТЫРЫНЫЗ

Please enter your comment!
Please enter your name here