Түз эфирде Евровидение сынагынын финалдык бөлүгү көрсөтүлүп жаткан маалда көчүгүн жылаңачтап

сахнага чуркап чыккан адам беш жылга эркинен ажыратылышы мүмкүн. Бул тууралуу Украинанын

ички иштер министри Арсен Аваков билдирди.

«Ал бейбаштыкка айыпталып, 72 саатка камалды. Баш коргоо чарасы 15-майда каралат.

Эгер бул берене боюнча күнөөлүү деп табылса, анда ал айып төлөп же беш жылга

чейинки мөөнөткө эркинен ажыратылышы мүмкүн», – деп жазды Аваков «Фейсбуктагы» баракчасына.

Австралиянын желегин жамынып сахнага чуркап чыккан адамдын украиналык пранкер

Виталий Седюк экендиги аныкталды. Ал бул аракетин

«бейрасмий түрдө чагымчыл журналист болуп иштей тургандыгы» менен түшүндүрдү.

14-майга оогон түнү Киевде Евровидение музыкалык сынагынын финалы болуп, анда португалиялык ырчы

Сальвадор Собрал жеңишке жеткен.

ПИКИР КАЛТЫРЫНЫЗ

Please enter your comment!
Please enter your name here