Чагылган: Казакстандын Аркалык округунан жаш түгөйлөр өз өмүрлөрүнө кол салышкан. Бул тууралуу, алар окуган  Торгай гуманитардык колледждин билдирүүсү менен казак басылмалары жазууда.

Трагедия 30-апрелде болгон. Жаш жубайларды өз үйүнүн гаражынан асылып турган жеринен табышкан. Мустафа менен Индира үйлөнгөндөрүнө төрт ай болуп, алар, Мустафанын үйүндө энеси менен  жашачу. Атасы, бала 1-курста окуп жатканда эле каза болуп калган.

Колледждегилердин айтымында, жубайлар 3-курста «Дене тарбия» адистигинде окушкан. Экөө тең активдүү студенттерден болгон. Индира — волейболист жана Мустафа — футболист. Бир нече медаль жана громаталары бар.

Ошол каргашалуу күнү Индиранын иниси да армиядан келмек.  Аларга  не болгонун эч ким билбейт. 29-апрелде эле колледжде өткөн облустук семинарда экөө тең өтө активдүү катышкан. Окуу жайдагылар бул окуяга ишене албай тургандыктарын айтышкан.

Учурда, бул иш боюнча иликтөө иштери жүрүүдө.

ПИКИР КАЛТЫРЫНЫЗ

Please enter your comment!
Please enter your name here