Окуянын күбөлөрү 6-апрелде пенсия алуу үчүн топтолгон адамдардын көптүгүнөн улам Мария Худойкулова маале имаратына эртең менен эле барганын айтышты. Өзбекстандын Сырдарыя облусундагы Гулистан шаарынын 72 жаштагы тургуну Мария Худойкулова пенсия алууга келген маалда каза болду. Күбөлөрдүн айтымдарында, ал бир нече сааттан бери кезекте турган.

– Бир эле маалда 150гө жакын адам акча берилип жаткан имаратка кирүүгө аракет кылышты. Пенсионер тепселендиде калып, жүрөгү кармады. Бирок ага кезекте тургандардын эч кимиси көңүл бурган жок. 2-3 аял аны четке алып чыгып, суу берүүгө аракет кылышканда имаратта суу жок экенин айтышты. Бир бала дүкөнгө барып суу алып келгенче тиги каза болуп калды. Тез жардам кызматы да жетишпей калды, – деди окуянын күбөлөрүнүн бири.

Күбөлөрдүн айтымдарында, пенсионердин өлүмүнөн кийин окуяны каттоо үчүн маалеге милиция жана прокуратура кызматкерлери барышкан.

– Буга чейин апам пенсиясын почтадан алчу, бирок анда деле кезек күткөндөр көп болчу. Ушул айдан баштап банк акчаны маалеге алып келери кабарланган. Мен окуя пенсия берүүнүн жакшы уюштурулбагандыгынан улам болду деп эсептейм. Эртең менен апам пенсия алууга жакшы эле кеткен, түштөн кийин анын сөөгүн беришүүдө, – деди пенсионердин уулу.

 

ПИКИР КАЛТЫРЫНЫЗ

Please enter your comment!
Please enter your name here