Илим Карыпбеков мындай пикирин «Азаттыка» билдирип, буларга токтолгон:

 — Мыйзамда “бир адам бир жолу же эки эле жолу боло алат” деген чектөө коюлган эмес. Ошондуктан мен кайра арыз берүүгө укугум бар. Беремби же бербеймби, бара-бара карайм. Убактым 18-февралга чейин бар. Билесиздер, арыздар 18-февралга чейин кабыл алынат. Дагы ойлонуштурабыз го, — деп жооп берген.

Карыпбековдун айтымында, анын ыйгарым укуктары 19-мартта аяктайт. Жаңы жетекчи 20-мартта ишке киришүүсү керек.

Коомдук телерадиокомпаниясынын башкы директорлугуна сынак жарыяланганы мекеменин сайтына жайгаштырылды. КТРК тууралуу мыйзамга ылайык, башкы директор 4 жылга шайланат. Сынактын талаптары боюнча талапкерлердин жогорку билими болушу керек.

Сынактын жол жоболорун  ktrk.kg сайтына толук жазылган:  Негизиги талаптар:  мамлекеттик тилди эркин билүү, расмий, англис жана башка тилдерди билгендерге артыкчылык берилет. 5 жылдан кем эмес практика жүзүндө жетекчилик иш тажрыйбасы, теле жана радионун иштөө принциптерин түшүнүүсү зарыл. Талапкер коомдук-саясий жана диний уюмдарда кызмат ордун ээлей албайт.

 Карыпбеков бул кызматка  2015-жылы 15-мартта шайланган.

Мыйзамга ылайык, башкы директор төрт жылга шайланат. Сынак төрт баскычта өткөрүлөт. Жетекчини каналдын Байкоочу кеңеши жабык добуш берүү жолу менен тандайт.

 

ПИКИР КАЛТЫРЫНЫЗ

Please enter your comment!
Please enter your name here